«Umbä rä tꞌekꞌei ri dada ꞌne ri nänä»

Nuꞌmu̱ rä Hesu bi mꞌu̱kua ha rä Xiꞌmhai bi uni nunä mhända: «Umbä rä tꞌekꞌei ri dada ꞌne ri nänä» (Éx 20:12; Mt 15:4). Rä Hesu himbi duda dä uni nunä rä mhända ngeꞌä näꞌä nzäntho bi «yꞌo̱tuä yä tsꞌofo» rä dada ꞌne rä nänä (Lu 2:51). Änte de dä du rä Hesu, bi hyoni toꞌo dä supäbi rä nänä (Jn 19:26, 27).

Mäpaya, nuꞌu̱ yä bäsjäꞌi o̱te yä dada ꞌne nzofo ko rä tꞌekꞌei udi ge o̱de näꞌä rä mhända bi uni rä Hesu. Nunä mhända nunka huadi nixi di mpadi. Mäske nuꞌu̱ mä dadahu̱ ya bi nxita, pe̱ꞌtsi te gä sigi gä umbäbihu̱ rä tꞌekꞌei ꞌne gä jamäsuhu̱ nuꞌu̱ yä tsꞌofo di rꞌakägihu̱ (Pr 23:22). ꞌNehe, di udihu̱ ge di umbäbihu̱ rä tꞌekꞌei ora di nupäbihu̱ yä mfeni ꞌne di umbäbihu̱ rä mfatsꞌi ora thogi yä ñꞌäbojä (1Ti 5:8). Hindi porta mu̱ dyä bäsjäꞌihu̱ o hinä, mähyoni gä ñähu̱ njatꞌä kongeꞌu̱. Njabu̱ ma gä udihu̱ ge di umbäbihu̱ rä tꞌekꞌei.

HYANDI RÄ BIDEO DE RÄ PIZARRA ANIMADA ¿HANJA GI ÑÄUI RI DADA ꞌNE RI NÄNÄ? MꞌE̱FA THÄDI NUYA YÄ NTꞌANI:

• ¿Por hanja rꞌabu̱ xä ñhei gi ñäui ri dada o ri nänä?

• ¿Hanja dä za gi ñudi rä tꞌekꞌei po ri dada o ri nänä ora gi ñäui?

  

• ¿Por hanja xä ñho gi yꞌo̱tꞌe ntsꞌe̱di po gi ñäui ri dada ꞌne ri nänä? (Pr 15:22.)