MÄ MꞌU̱IHU̱ NGU YÄ KRISTIANU
Ja ngu rä Hesu ma gä ñꞌumildehu̱ ꞌne hingä ꞌñexmänsuhu̱
Mäske rä Hesu mi pe̱ꞌtsi nꞌa rä däta nsu, näꞌä nzäntho bi ꞌñudi ge mi rä umilde ꞌne hingä mi rä ꞌñexmänsu, näꞌä nzäntho bi ꞌñeꞌspäbi rä nsu rä Dada (Jn 7:16-18). ¡Pe rä Zithu himbi njabu̱! Nunä tsꞌo e̱nxe̱ bi zo̱ho̱ bi «Ndiablo», ge signifika «näꞌä toꞌo mää yä nkꞌuamba o nhemhñä de märꞌaa» (Jn 8:44). Nuꞌu̱ yä fariseo ꞌnehe xa mi yä ꞌñexmänsu ngu rä Zithu, hänge nuꞌu̱ mi u̱tsa gatꞌho nuꞌu̱ toꞌo mi kamfribi rä Mesia (Jn 7:45-49). ¿Hanja dä za gä de̱mbäbihu̱ rä ejemplo rä Hesu ora tꞌakägihu̱ nꞌa rä asignación o nꞌa rä responsabilida ha rä mhuntsꞌi?
HYANDIHU̱ RÄ BIDEO «MÄDIHU̱ NꞌA NGU MÄNꞌAA»: RÄ MHÄTE HINGÄ RÄ GUNTꞌE̱I NIXI RÄ ꞌÑEXMÄNSU (PARTE 1). MꞌE̱FA THÄDIHU̱ NUNÄ RÄ NTꞌANI:
¿Hanja dä za gä eñhu̱ ge rä Álex mi rä ꞌñexmänsu?
HYANDIHU̱ RÄ BIDEO «MÄDIHU̱ NꞌA NGU MÄNꞌAA»: RÄ MHÄTE HINGÄ RÄ GUNTꞌE̱I NIXI RÄ ꞌÑEXMÄNSU (PARTE 2). MꞌE̱FA THÄDIHU̱ NUYA YÄ NTꞌANI:
¿Hanja bi ꞌñudi Álex ge mi rä umilde?
¿Te bi me̱fi Álex pa bi nupäbi rä mfeni Luis ꞌne Carlos?
HYANDIHU̱ RÄ BIDEO «MÄDIHU̱ NꞌA NGU MÄNꞌAA»: RÄ MHÄTE HINDI GESE̱ NIXI DI NDÄNGI DE MÄRꞌAA (PARTE 1). MꞌE̱FA THÄDIHU̱ NUNÄ RÄ NTꞌANI:
¿Hanja dä za gä eñhu̱ ge rä ku Hernández bi ꞌme̱päbi rä umilda?
HYANDIHU̱ RÄ BIDEO «MÄDIHU̱ NꞌA NGU MÄNꞌAA»: RÄ MHÄTE HINDI GESE̱ NIXI DI NDÄNGI DE MÄRꞌAA (PARTE 2). MꞌE̱FA THÄDIHU̱ NUYA YÄ NTꞌANI:
¿Hanja bi ꞌñudi rä ku Hernández ge hingä mi rä ꞌñexmänsu?
¿Te bi bädi Sara de rä ejemplo rä ku Hernández?