¿Gi handi nuꞌu̱ yä hogä mꞌu̱i Äjuä ha gatꞌho näꞌä xä hyoki?

Ora gi handi nꞌa rä do̱ni mähotho, yä tso̱o̱, o nꞌa rä tanthe, ¿jaꞌi gi beni Äjuä? Gatꞌho nuꞌu̱ yä tꞌo̱tꞌe di handihu̱ udi te ngu rä mꞌu̱i rä Zi Dada Jeoba (Ro 1:20). Ora di hudihu̱ ꞌne di ntso̱ꞌmihu̱ ha nuꞌu̱ yä hogä tꞌo̱tꞌe di handihu̱, tsa gä dahu̱ ngue̱nda hängu rä tsꞌe̱di pe̱ꞌtsi Äjuä, hängu rä mhäte, rä mfädi, rä justisia ꞌne hängu nuꞌu̱ yä tꞌo̱tꞌe xä rꞌakägihu̱ (Sl 104:24).

De nuꞌu̱ yä tꞌo̱tꞌe xä hyoki Jeoba, ¿ndaꞌu̱ gi handi hyaxtho? Mäske gi ꞌmu̱i ha nꞌa rä hnini, zäi ge tsa gi hyandi yä tsꞌintsꞌu̱ o yä arbol. Mu̱ gä hudihu̱ gä handihu̱ gatꞌho näꞌä xä hyoki Jeoba, dä za dä maxkägihu̱ pa dä tsaya nuꞌu̱ mä dumu̱ihu̱ di ndudehu̱, ma dä maxkägihu̱ gä häkihu̱ de mä mfenihu̱ nuꞌu̱ yä xuñha di pe̱ꞌtsihu̱, ꞌne mänꞌa ma gä kamfrihu̱ ge Jeoba ma dä sugägihu̱ pa nzäntho (Mt 6:25-32). Mu̱ gi pe̱ꞌtsi yä bätsi, fatsꞌi dä hyandi nuꞌu̱ yä hogä mꞌu̱i pe̱ꞌtsi rä Zi Dada Jeoba. Ora di jamädibihu̱ Jeoba po gatꞌho näꞌä xä hyoki, mänꞌa ma gä sentihu̱ getbu̱ de Geꞌä (Sl 8:3, 4).

HYANDIHU̱ RÄ BIDEO NUꞌU̱ YÄ TꞌO̱TꞌE JA HA RÄ XIꞌMHAI, UDI RÄ MꞌU̱I ÄJUÄ: RÄ HYAꞌTSI ꞌNE YÄ KOLO. MꞌE̱FA THÄDIHU̱ NUYA YÄ NTꞌANI:

• ¿Por hanja di handihu̱ ge ja yä kolo gatꞌho yä tꞌo̱tꞌe?

• ¿Por hanja rꞌa yä tꞌo̱tꞌe di hue̱xki yä kolo ora di ñꞌäni o depende de habu̱ gi ꞌmai gi handi?

• ¿Por hanja di mpadi nuꞌu̱ yä kolo di handihu̱ mähetsꞌi?

• ¿Ndaꞌu̱ nuꞌu̱ yä kolo mähotho xkä handi getbu̱ de ri nguu?

• ¿Por hanja di debe gä ꞌuekehu̱ rä tiempo pa gä handihu̱ gatꞌho nuꞌu̱ yä tꞌo̱tꞌe mähotho ja ha rä Xiꞌmhai?