Mo̱gehu̱ de näꞌä rä ndäxjua mꞌu̱i ꞌne ñhehu̱ ko näꞌä rä rꞌayꞌo hogä mꞌu̱i

3:5-14

Xi nuꞌi, ¿xkä paati ndunthi yä tꞌo̱tꞌe ha ri mꞌu̱i dende nuꞌmu̱ gä pädi de Äjuä? Rä Zi Dada Jeoba di johya ndunthi po nuꞌu̱ yä mpadi xkä ja ha ri mꞌu̱i (Eze 33:11). Pe mähyoni gi sigi gi yꞌo̱tꞌe ntsꞌe̱di po gi hyee näꞌä rä rꞌayꞌo hogä mꞌu̱i ꞌne hingi hyopi dä mengi mänꞌaki näꞌä ri ndäxjua mꞌu̱i xkä tsopu̱. Pa gi hyandi habu̱ tobe di ja mꞌe̱di gi mpe̱fi, thädi nuya yä ntꞌani:

• ¿Tobe xa di nkue̱ ko nꞌa rä jäꞌi näꞌä bi yꞌo̱tkägi nꞌa rä ntsꞌomꞌu̱i?

• Ora tsabigi o di xo̱ni, ¿di pe̱ꞌtsi rä pasensia?

• Ora tso̱kägi nꞌa rä tsꞌo mfeni, ngu nuꞌu̱ yä pekado o̱tꞌe yä ꞌñätsa jäꞌi ko yä ndoyꞌo, ¿nguntꞌä di e̱ni de ha mä ñäxu?

• ¿Hindi numäñho nuꞌu̱ yä jäꞌi ehe de märꞌa rä luga o rasa?

• Ha nuya yä pa, ¿xtä u̱mbäbi yä mfeni märꞌaa o xtä ꞌme̱di rä pasensia ꞌne xtä nkue̱?