¿Toꞌo dä za gä mbitabi?

Tatꞌä je̱ya di o̱thu̱ ntsꞌe̱di po di mbitabihu̱ yä jäꞌi dä ntihu̱ kongekhu̱ ha rä Fenäte de rä du rä Hesu. Ndunthi de nuꞌu̱ yä jäꞌiꞌu̱ hindi pädihu̱. Pe ꞌnehe dä hogi gä mbitabihu̱ nuꞌu̱ yä jäꞌi ya di pädihu̱. Nuꞌu̱ yä jäꞌi häni nꞌa rä imbitasio de nuꞌu̱ yä konosido, rꞌabu̱ mänꞌa pe̱ꞌtsi rä komfiansa de dä ntini (yb08-S rä nxii 11, rä parr. 3; rä nxii 14, rä parr. 1). ¿Toꞌo dä za gi mbitabi?

• Ri familia.

• Nuꞌu̱ yä jäꞌi gi pädi ha rä ꞌme̱fi o ha rä skuela.

• Ri besinu.

• Nuꞌu̱ ri rebisita, nuꞌu̱ gi umbäbi nꞌa rä curso de rä Biblia, ꞌne nuꞌu̱ ngi tso̱ni o ngi uti de rä Biblia mä mꞌe̱tꞌo.

ꞌNehe, yä ansiano ma dä yꞌo̱tꞌe ntsꞌe̱di po dä mbitabi nuꞌu̱ yä ku ya hingi ntini ha yä mhuntsꞌi. Pe ¿xiꞌmu̱ näꞌä toꞌo gi ne gi mbitabi bi ꞌmu̱i yabu̱? Ha jw.org dä za gi hyoni habu̱ ꞌne te mä ora ma dä tꞌo̱tꞌe rä Fenäte getbu̱ de habu̱ ꞌmu̱i näꞌä jäꞌi. Änte de dä zo̱ho̱ rä Fenäte nunä je̱ya, beni toꞌo gatꞌho dä za gi mbitabi ꞌne umbäbi nꞌa rä imbitasio.