¿Ya xkä ñhoki?

Yä mbiꞌmhai, yä däyꞌe, yä nzo̱o̱, yä ñuntꞌi ꞌne märꞌa yä tsꞌo thogi, nse̱kitho tso̱ho̱ ꞌne bi hä ndunthi yä xuñha ꞌne yä dumu̱i. Xi nuꞌi, ¿ya xkä ñhoki pa xti zo̱ho̱ nuya yä tsꞌo thogi habu̱ gi ꞌmu̱i? Hindi debe gä mbenihu̱ ge nunka te ma dä thogi habu̱ di ꞌmu̱ihu̱, ngeꞌä nse̱kitho dä za dä zo̱ho̱ yä hyote jäꞌi, yä ñheni, yä tuhni o märꞌa yä xuñha (Ec 9:11).

Gatꞌho di debe gä ñhokihu̱ pa ora xti zo̱ho̱ nꞌa de nuya yä tsꞌo thogi (Pr 22:3). Mäske rä hnini Jeoba uni rä mfatsꞌi ora thogi nuya yä däta xuñha, kada nꞌa de gekhu̱ di pe̱ꞌtsihu̱ rä responsabilida de gä ñhokihu̱ dende änte (Gál 6:5).

HYANDIHU̱ RÄ BIDEO HANJA DÄ ZA GÄ ÑHOKIHU̱ PA XTI ZO̱HO̱ NꞌA RÄ MBIꞌMHAI O MÄRꞌA YÄ TSꞌO THOGI. MꞌE̱FA THÄDIHU̱ NUYA YÄ NTꞌANI:

• 

  ¿Hanja dä za gä japihu̱ dä ze̱di mä ntsitsꞌihu̱ ko rä Zi Dada Jeoba pa ora xti zo̱ho̱ nꞌa rä tsꞌo thogi?

• 

  ¿Por hanja...

  • • ... xa mähyoni gä umbäbihu̱ mä datohu̱ yä ansiano pa dä bädi habu̱ dä dingägihu̱ änte, durante ꞌne mꞌe̱fa de dä nja nꞌa rä tsꞌo thogi?

  • • ... xa mähyoni gä pe̱ꞌtsihu̱ nꞌa rä mochila habu̱ di ku̱ näꞌä mähyoni pa mu̱ dä ja mꞌe̱di gä po̱nihu̱ nguntꞌä de mä nguhu̱? (g17.5-S rä nxii 6).

  • • ... xa mähyoni gä ñähu̱ dende änte te dä hogi gä pe̱fihu̱ pa ora xti zo̱ho̱ nꞌa rä tsꞌo thogi?

• 

  ¿Te dä za gä pe̱fihu̱ pa gä fatsꞌihu̱ märꞌa ora di ñhandui yä tsꞌo thogi?