Bäsjäꞌi: ¿Gi handi rä Zi Dada Jeoba ngu nꞌa ri hogä amigo?

¿Te mä hogä mꞌu̱i gi honi de nuꞌu̱ ri amigo? Zäi ge xa gi hopäbi rä mꞌu̱i nꞌa ri amigo ora gi handi ge nunka di fayaꞌi, rä hojäꞌi ꞌne ho dä uni de rä tiempo, rä tsꞌe̱di ꞌne de näꞌä pe̱ꞌtsi pa dä matsꞌi märꞌaa. ¿Gi pädi? Rä Zi Dada Jeoba njabu̱ rä mꞌu̱i (Éx 34:6; Hch 14:17). Näꞌä di ho dä yꞌo̱de ora gi xatuäbi ꞌne ꞌmu̱i dispuesto dä maxꞌäꞌi (Sl 18:19, 35). Pe hingä ho̱nse̱ꞌä, ꞌnehe puñꞌäꞌi ora hingä geꞌä gi pe̱fi (1Jn 1:9). ¿Hänge joꞌo mä nꞌa rä amigo ngu rä Zi Dada Jeoba?

Pe xibye̱, ¿te mähyoni gi pe̱fi pa njabu̱ rä Zi Dada Jeoba dä hyantꞌäꞌi ngu rä amigo? Hñeti rä Biblia pa gi hyandäse̱ tengu rä mꞌu̱i ꞌne pe̱ꞌspäbi rä komfiansa (Sl 62:8; 142:2). ꞌÑuti rä Zi Dada Jeoba ge gi mädi näꞌä di mädiꞌä. Por ejemplo, ꞌñuti ge gi mädi rä Tꞌu̱, rä Tsꞌu̱tꞌhui ꞌne nuꞌu̱ yä jäpi ma dä hä xudi ndämäni. ꞌNehe, xipäbi märꞌa yä jäꞌi de rä Zi Dada Jeoba (Dt 32:3). Mu̱ gi yꞌo̱tꞌe ri amigo rä Zi Dada Jeoba, näꞌä nzäntho ma dä maxꞌäꞌi (Sl 73:25, 26, 28).

HYANDIHU̱ RÄ BIDEO BÄSJÄꞌI: «HYANDÄSE̱ HANJA RÄ ZI DADA JEOBA RÄ HOJÄꞌI». MꞌE̱FA THÄDIHU̱ NUYA YÄ NTꞌANI:

• 

  ¿Te mähyoni gi pe̱fi pa dä za gi umbäbi ri te rä Zi Dada Jeoba ꞌne gi nxixtehe?

• 

  ¿Hanja dä za dä maxꞌäꞌi yä ku de rä mhuntsꞌi pa gi pe̱päbi mänꞌa xä ñho rä Zi Dada Jeoba?

• 

  ¿Por hanja mu̱ gi predika rä Noya Jeoba geꞌä ma dä maxꞌäꞌi pa mänꞌa dä ze̱di näꞌä ri ntsitsꞌi gi pe̱ꞌtsi kongeꞌä?

• 

  ¿Te gatꞌho dä za gi pe̱fi ha rä hnini rä Zi Dada Jeoba?

• ¿Te mänꞌa gi ho de rä Zi Dada Jeoba?