Hanja Dä Za Gä Uñhu̱ Ntꞌo̱de Mänꞌa Xä Ñho: Predika por telefono

POR HANJA XA MÄHYONI. Rä predicación por telefono faxte ndunthi pa gä uñhu̱ ntꞌo̱de yä hogä notisia de rä Tsꞌu̱tꞌhui Äjuä (Hch 20:24).a Ora di predikahu̱ por telefono di tinihu̱ nuꞌu̱ yä zi jäꞌi kasi hingi ꞌmu̱i ha yä nguu.

TE DÄ ZA GÄ PE̱FIHU̱

• 

  Ñhoki xä ñho. Huahni nꞌa rä imformäsio näꞌä gi handi ge dä ho dä yꞌo̱de yä jäꞌi de ri territorio. Yꞌofo nꞌa hängu nuꞌu̱ yä punto pa hingi pumfri näꞌä gi ne gi mää. ꞌNehe dä za gi ñhoki ko nꞌa rä mensaje näꞌä dä za gi tsoogi mu̱ hinto dä dädi. Änte de gi hñudi pa gi nzofo yä jäꞌi, hñuxpu̱ ha rä mexa gatꞌho näꞌä ma gi hyoni. Por ejemplo: näꞌä ri he̱ꞌmi habu̱ gä ofo näꞌä ma gi mää. ꞌNehe, xoki rä aplicación JW Library^® o rä página jw.org^®.

• 

  Ñä tranquilo ꞌne ogi ꞌmu̱i nerbioso. Platika ko näꞌä jäꞌi ꞌñenä ya go gi pädi. ꞌÑudi nꞌa rä thede ꞌñenä go gi handi näꞌä jäꞌi. Ogi e̱ꞌtsi näꞌä gi mää. Dä hogi gi hyoni toꞌo dä maxꞌäꞌi. Mu̱ näꞌä jäꞌi dä yꞌo̱tꞌäꞌi nꞌa rä ntꞌani, mängä mänꞌaki näꞌä rä ntꞌani pa njabu̱ näꞌä toꞌo faxꞌäꞌi dä yꞌo̱de ꞌnehe ꞌne dä za dä maxꞌäꞌi gi timbäbi rä mpengi.

• 

  Kohi gi zofo mänꞌaki. Mu̱ näꞌä jäꞌi bi ho bi yꞌo̱de, tsoogi nꞌa rä ntꞌani pa gi thädi mä nꞌa rä pa. ꞌÑembäbi ge dä za gi pe̱mpäbi nꞌa rä publicación por correo o dä za gi hñäꞌspäbi ha rä nguu. ꞌNehe xipäbi ge dä za gi pe̱mpäbi nꞌa rä bideo o nꞌa rä artikulo de jw.org ha rä correo electrónico. Mu̱ dä za, mbitabi dä yu̱tꞌi ha näꞌä rä página di pe̱ꞌtsihu̱ ha Internet.