Yꞌo̱tꞌe ntsꞌe̱di po gi pe̱ꞌtsi ri mfeni ꞌne ri mꞌu̱i xä ntꞌaxi

Rä Zi Dada Jeoba hingi ne gä de̱mbäbihu̱ yä mꞌu̱i nuꞌu̱ yä jäꞌi hingi pädi de Geꞌä (Le 18:3; w19.06-S rä nxii 28, rä parr. 1)

Ante rä Zi Dada Jeoba xi nꞌa rä däta pekado ora nꞌa rä jäꞌi ꞌme̱ngui nuꞌu̱ mismo yä familiase̱, ora nꞌa rä ñꞌo̱ho̱ ꞌme̱ngui rä mi ñꞌo̱ho̱ui o nꞌa rä ꞌme̱hñä ꞌme̱ngui rä mi ꞌme̱hñäui. ꞌNehe xi nꞌa rä däta pekado ora nꞌa rä jäꞌi ñhuxui yä mboꞌni (Le 18:6, 22, 23; w17.02-S rä nxii 20, rä parr. 13).

Rä Zi Dada Jeoba ma dä hñäki de ha rä Xiꞌmhai gatꞌho nuꞌu̱ yä tꞌo̱tꞌe hingi tꞌaxi (Le 18:24, 25; Pr 2:22; w14-S 1/7 rä nxii 7, rä parr. 2).

Rä Zithu hingi ne dä hyandi gä ꞌmu̱ihu̱ ha näꞌä rä Paraiso ma dä nja nuua ha rä Xiꞌmhai. Pe gatꞌho nuꞌu̱ yä tsꞌofo rꞌakägihu̱ rä Zi Dada Jeoba, faxkägihu̱ pa hingä tagihu̱ ha nuꞌu̱ yä trampa pe̱gägihu̱ rä Zithu.

¿Hanja di utihu̱ rä Zi Dada Jeoba ge xa di u̱tsahu̱ nuꞌu̱ yä pekado o̱tꞌe yä ꞌñätsa jäꞌi ko yä ndoyꞌo?