YÄ TESORO DE RÄ NOYA ÄJUÄ

Rä Zi Dada Jeoba di organisa rä hnini

[Yꞌe̱ntsꞌihu̱ rä bideo Te hutsꞌi ha Números].

Nuꞌmu̱ yä israelita bi ꞌñe yä kampamento ha yä yꞌotꞌä ꞌmatha, xki forma yä grupo de gä hñuu yä tribu (Nú 1:52, 53; w94-S 1/12 rä nxii 9, rä parr. 4).

Po gatꞌho ngu mi hñu miyon o thogi nuꞌu̱ yä jäꞌi mi ꞌmu̱i ha rä kampamento yä israelita (Nú 2:32, 33; it-1-S rä nxii 403, rä parr 1).

Rä Zi Dada Jeoba ne ge rä hnini di ꞌmu̱i organisado pa dä xo̱kämbeniꞌä. Mäyaꞌmu̱ rä Zi Dada Jeoba bi organisa rä hnini Israel ꞌne geꞌä pe̱fi mäpaya ko rä hnini (1Co 14:33, 40).

Nꞌa rä plano de hanja mi ꞌmu̱i organisado rä kampamento yä israelita. Nthetsꞌi de rä tabernáculo di nheki nuꞌu̱ goho yä familia de rä tribu de Leví: rä familia Aarón po rä lado mbo̱xhyadi, yä cohatita po rä lado sur, yä guersonita po rä lado yu̱hyadi ꞌne po rä lado norte yä merarita. Nthetsꞌi de geꞌu̱ di nheki nuꞌu̱ 12 yä tribu de Israel: po rä lado mbo̱xhyadi yä tribu de Isacar, Judá ꞌne Zalulón; po rä lado sur yä tribu de Gad, Rubén ꞌne Simeón; po rä lado yu̱hyadi yä tribu de Benjamín, Efraín ꞌne Manasés; ꞌne po rä lado norte yä tribu de Neftalí, Dan ꞌne Aser.

ÑꞌANISE̱: «¿Hanja dä za gä apoya ko ngatꞌho mä koraso rä organización rä Zi Dada Jeoba?».