Mä komfiansahu̱ po rä Zi Dada Jeoba, rꞌakägihu̱ rä balo

Rꞌa de nuꞌu̱ yä yꞌakäte bi ma bä nuu rä Hogä Hai, bi mengi ko ndunthi rä ntsu, ngeꞌä bi mꞌe̱päbi rä komfiansa po rä Zi Dada Jeoba (Nú 13:31-33; 14:11).

Mi hyandi nuꞌu̱ märꞌa yä israelita hängu rä ntsu mi pe̱ꞌtsi nuꞌu̱ rꞌe̱tꞌa yä yꞌakäte, nuꞌu̱ bi desanimä ꞌnehe (Nú 14:1-4).

Pe Josué ꞌne Caleb, bi me̱ꞌspäbi rä komfiansa rä Zi Dada Jeoba hänge himbi ntsu (Nú 14:6-9; w06-S 1/10 rä nxii 17, yä parr. 5, 6).

Yä israelita ya xki hyandi hanja rä Zi Dada Jeoba mi ꞌmu̱i kongeꞌu̱. Hänge nuꞌu̱ mi debe xä bädi ge rä Zi Dada Jeoba hingä ma xä hye̱gise̱ ꞌne ma xä matsꞌi xä yu̱tꞌi ha Canaán.