Nsu pa hingi ñꞌorgulloso ꞌne pa hingi ñꞌetsꞌi ge xa gi ꞌmu̱i xä ñho ante Jeoba

Koꞌmu̱ Coré mrä orgulloso, himbi paresebi hanja Jeoba mi diriji rä hnini (Nú 16:1-3; w11-S 15/9 rä nxii 27, rä parr. 12).

Coré mrä levita ꞌne mi pe̱ꞌtsi yä däta nsu ꞌne yä responsabilida (Nú 16:8-10; w11-S 15/9 rä nxii 27, rä parr. 11).

Coré bi me̱ꞌtsi ndunthi yä xuñha, ngeꞌä näꞌä mi mbeni himi nthe̱ ko näꞌä di mbeni Jeoba (Nú 16:32, 35).

Ogi hopäbi ge näꞌä xkä pe̱fi po rä Zi Dada Jeoba dä jaꞌi gi ñꞌorgulloso o gi ñꞌetsꞌi ge ya xa gi pe̱ꞌtsi nꞌa rä hogä ntsitsꞌi Kongeꞌä. Entremäs di pe̱ꞌtsihu̱ yä responsabilida o di pe̱ꞌtsihu̱ ndunthi yä je̱ya de di pe̱päbihu̱, mänꞌa debe gä ñꞌumildehu̱ ꞌne hingä ñꞌexmänsuhu̱.