ꞌÑudi rä mhäte ha ri familia

Rä mhäte geꞌä japäbi dä ntsitsꞌi xä ñho nꞌa rä familia. Mu̱ otho rä mhäte, rä familia ma dä mꞌu̱i dibidido ꞌne kada nꞌaa ma dä me̱fi näꞌä go dä ne. ¿Hanja dä za yä däme, yä ꞌme̱hñä ꞌne yä dada dä ꞌñudi rä mhäte ha yä familia?

Nꞌa rä däme näꞌä pe̱ꞌtsi rä mhäte, o̱tꞌe ngue̱nda näꞌä di japäbi mꞌe̱di rä ꞌme̱hñä, näꞌä di mbeni ꞌne näꞌä di senti (Ef 5:28, 29). Rä däme go geꞌä debe dä hyandi ge rä familia hindä ꞌme̱päbi te dä zi ꞌne te dä hyee. ꞌNehe go geꞌä ma dä gu̱tꞌi rä ꞌñuu pa me̱ꞌtsi rä Mhuntsꞌi de gä Familia ꞌne dä matsꞌi rä ꞌme̱hñä ꞌne yä bätsi dä ñꞌo ha rä ꞌñuu Äjuä (1Ti 5:8). Nꞌa rä ꞌme̱hñä näꞌä pe̱ꞌtsi rä mhäte, o̱te ꞌne pe̱ꞌspäbi rä tꞌekꞌei rä däme (Ef 5:22, 33; 1Pe 3:1-6). Tanto rä däme ngu rä ꞌme̱hñä debe dä mpumbäbi nꞌa ngu mänꞌaa (Ef 4:32). Nuꞌu̱ yä dada pe̱ꞌtsi rä mhäte, su kada nꞌa de nuꞌu̱ yä bätsi ꞌne uti dä mädi rä Zi Dada Jeoba (Dt 6:6, 7; Ef 6:4). ¿Te mä xuñha di ñhandui nuꞌu̱ ri bätsi ha rä skuela? ¿Te pe̱fi nuꞌu̱ ri bätsi pa di ze̱ti ora märꞌa yä yꞌoskuela di mbitabi dä me̱fi yä tsꞌo tꞌo̱tꞌe? Mu̱ ja rä mhäte ha rä familia, gatꞌho ma dä mꞌu̱i temäꞌentho ꞌne hinto ma dä pidi.

HYANDIHU̱ RÄ BIDEO MA GÄ UDIHU̱ NÄꞌÄ «RÄ MHÄTE NUNKA DI FAYA» HA MÄ FAMILIAHU̱. MꞌE̱FA THÄDIHU̱ NUYA YÄ NTꞌANI:

• 

  ¿Hanja su rä ꞌme̱hñä nꞌa rä däme näꞌä pe̱ꞌtsi rä mhäte?

• 

  ¿Hanja udi rä tꞌekꞌei po rä däme nꞌa rä ꞌme̱hñä näꞌä pe̱ꞌtsi rä mhäte?

• 

  ¿Te pe̱fi yä dada pa uti yä bätsi de rä Zi Dada Jeoba?