¿Te dä za gä pädihu̱ de Samuel?

Samuel nunka bi hye̱gi rä Zi Dada Jeoba. Nuꞌmu̱ mrä tꞌu̱kä bätsi, Samuel bi desidi hindä nja ngu Hofní ꞌne Finehás, nuꞌu̱ yä tꞌu̱ Elí, ngeꞌä nuꞌu̱ himi porta xä ñho (1Sa 2:22-26). Rä Zi Dada Jeoba xa mi numäñho Samuel (1Sa 3:19). Durante gatꞌho rä bida, Samuel nzäntho bi yꞌo̱te rä Zi Dada Jeoba, mäske nuꞌu̱ yä tꞌu̱ himbi ne bi de̱mbäbi rä ejemplo (1Sa 8:1-5).

¿Te dä za gä pädihu̱ de rä ejemplo Samuel? Mu̱ grä bäsjäꞌi, dä za dä ꞌmu̱i seguro ge rä Zi Dada Jeoba handi te mä xuñha gi thogi ꞌne di ntiende näꞌä gi senti. Jeoba ma dä maxꞌäꞌi pa gi mbaliente (Is 41:10, 13). Mu nuꞌi grä dada ꞌne nꞌa ri bätsi xä hye̱pu̱ rä Zi Dada Jeoba, dä za dä nupꞌäꞌi ri mfeni gi hyandi hanja Samuel himbi za bi obligabi nuꞌu̱ yä tꞌu̱ dä yꞌo̱te rä Zi Dada Jeoba. Samuel bi zokuäbi ha yä yꞌe̱ Jeoba nuꞌu̱ yä xuñha mi thogi ꞌne bi sigi bi me̱päbi. Rꞌabu̱, po näꞌä rä hogä ejemplo udi rꞌa yä dada, geꞌä japäbi ge yä bätsi dä mengi ko rä Zi Dada Jeoba.

HYANDIHU̱ RÄ BIDEO NÄꞌÄ DÄ ZA GÄ PÄDIHU̱ DE GEꞌU̱: SAMUEL. MꞌE̱FA THÄDIHU̱ NUYA YÄ NTꞌANI:

• 

  Nuꞌmu̱ Samuel mi nꞌa rä tꞌu̱kä bätsi, ¿hanja bi ꞌñudi rä balo?

• 

  ¿Hanja bi ꞌñudi Danny ge mi pe̱ꞌtsi rä balo?

• 

  ¿Te mä hogä ejemplo bi ꞌñudi Samuel nuꞌmu̱ ya mrä zi däta jäꞌi?

• 

  ¿Te mä hogä ejemplo bi ꞌñudi nuꞌu̱ yä dada Danny?