MÄ MꞌU̱IHU̱ NGU YÄ KRISTIANU
¿Toꞌo nuꞌu̱ yä amigo gi pe̱ꞌtsi ha Internet?
Pa gä handihu̱ nꞌa rä jäꞌi ngu mä amigohu̱, ¿hänge xa mähyoni gä konosehu̱ xä ñho? Geꞌä bi thogi entre David ꞌne Jonatán. Nuꞌu̱ hingä nguntꞌä bi zo̱ho̱ bi ñꞌamigo (1Sa 18:1). Jonatán bi zo̱ho̱ bi yꞌo̱tꞌe rä amigo David asta nuꞌmu̱ mꞌe̱tꞌo bi hyandi te mä hogä mꞌu̱i mi pe̱ꞌtsi ꞌne David getꞌätho bi me̱fi ꞌnehe. Mu̱ gi ne gi pe̱ꞌtsi yä hogä amigo, mähyoni gi konose xä ñho nuꞌu̱ toꞌo ma gi yꞌo̱tꞌe ri amigo, pe pa geꞌä ma dä zitsꞌi rä tiempo. ¿Por hanja nꞌa rä peligro gi hyoni yä amigo ha Internet? Ngeꞌä mu̱ hindi konosehu̱ toꞌoꞌu̱, dä za dä hyakägihu̱ ꞌne asta dä za dä ꞌuegägihu̱ de Äjuä. Po rängeꞌä, mu̱ nꞌa rä jäꞌi näꞌä hingi konose bi me̱ñꞌäꞌi nꞌa rä solisitu pa gi ñꞌamigoui, dä za gi rechaza mäske dä nkue̱. Po nuꞌu̱ yä peligro ja ha Internet, rꞌa yä ku xä desidi mejor hindä usa yä redes sociales. Hyandi te debe gi yꞌo̱tꞌe ngue̱nda ora ma gi usa yä redes sociales.
HYANDIHU̱ RÄ BIDEO USA RI MFÄDI ORA GI USA YÄ REDES SOCIALES. MꞌE̱FA THÄDIHU̱ NUYA YÄ NTꞌANI:
¿Te debe gi yꞌo̱tꞌe ngue̱nda änte de gi po̱ꞌtse yä foto o gi yꞌofo nꞌa rä komentario ha yä redes sociales?
¿Por hanja debe gi huahni xä ñho toꞌo ma gi yꞌo̱tꞌe ri amigo ha Internet?
¿Por hanja debe gi hñutsꞌi hängu rä tiempo ma gi usa yä redes sociales? (Ef 5:15, 16).