Nuꞌu̱ bi hyoki rä templo ko ngatꞌho yä ganä

Salomón bi usa nuꞌu̱ yä hogä material pa bi hyoki rä templo (1Re 5:6, 17; w11-S 1/2 rä nxii 15, rä parr. 5).

Ndunthi yä israelita bi mfaxte pa bi thoki rä templo (1Re 5:13-16; it-1-S rä nxii 451; it-2-S rä nxii 1097, rä parr. 4).

Salomón ꞌne gatꞌho rä hnini Israel bi mpe̱fi ndunthi po yoto nje̱ya pa bi uadi bi thoki rä templo (1Re 6:38; hyandi näꞌä rä kꞌoi ehe ha rä nxii 1).

Näꞌä rä templo bi hyoki Salomón ꞌne yä israelita bi gohi xa mähotho, ngeꞌä nuꞌu̱ bi mpe̱fi ko ngatꞌho yä ganä. Pe nuꞌu̱ yä jäꞌi bi mꞌu̱i mꞌe̱fa ya himbi me̱päbi rä Zi Dada Jeoba ko ngatꞌho yä koraso. Nuꞌu̱ ya himbi su näꞌä rä templo ꞌne ko rä tiempo bi yo̱tꞌe.

Yä ku ꞌne yä nju ko rä johya ja rä limpiesa ha rä Ngu de gä Mhuntsꞌi. Märꞌa yä ku di komuda yä publicación, rꞌaa di mplatika ꞌne märꞌa e̱ntꞌi yä ꞌmo̱ñhä ha rä kaha de gä donäsio.

ÑꞌANISE̱: «¿Te di pe̱fi pa gä sigi gä pe̱päbi rä Zi Dada Jeoba ko ngatꞌho mä ganä?».