«Ju̱xä ri zi bätsi»

Nꞌa rä zi ꞌme̱hñä mi ꞌmu̱i ha Sunem, mi umbäbi ntsaya rä profeta Eliseo (2Re 4:8-10).

Rä Zi Dada Jeoba bi jäpi näꞌä rä ꞌme̱hñä pa bi za bi me̱ꞌtsi nꞌa rä zi bätsi (2Re 4:16, 17; w17.12-S rä nxii 4, rä parr. 7).

Nuꞌmu̱ bi du rä bätsi näꞌä zi ꞌme̱hñä, rä Zi Dada Jeoba bi usa Eliseo pa bi gu̱tsꞌi de rä du näꞌä zi bätsi (2Re 4:32-37; w17.12-S rä nxii 5, rä parr. 8).

¿Gi senti ndunthi rä dumu̱i ngeꞌä xkä ꞌme̱di nꞌa ri zi bätsi ha rä du? Rä Zi Dada Jeoba ꞌnehe xa turämu̱i, ꞌne mänꞌitꞌho ma dä goꞌspäbi yä te nuꞌu̱ ri zi jäꞌi xkä ꞌme̱di ha rä du (Job 14:14, 15). ¿Dä za gi imäjinä hängu rä johya ma gä sentihu̱ xti zo̱ho̱ näꞌä rä pa?