Näꞌä pede rä Biblia mäjuäni, hingrä kuento

[Yꞌe̱ntsꞌihu̱ rä bideo Te hutsꞌi ha 1 Crónicas].

Adán xa mäjuäni bi mꞌu̱i ha rä Xiꞌmhai (1Cr 1:1; w09-S 1/9 rä nxii 14, rä parr. 1).

Noé ꞌnehe bi mꞌu̱kua ha rä Xiꞌmhai mäyaꞌmu̱ (1Cr 1:4; w08-S 1/6 rä nxii 3, rä parr. 4).

Nꞌa rä ku di imäjinä näꞌä heti ha rä Biblia. Di imäjinä hanja Noé ꞌne rä familia bi hyoki rä arca.

Ora di dahu̱ ngue̱nda ge nuꞌu̱ yä jäꞌi no̱ni rä Biblia hää mäjuäni bi mꞌu̱kua ha rä Xiꞌmhai ꞌne ge hingrä kuento, geꞌä ma dä maxkägihu̱ gä de̱mbäbihu̱ yä hogä ejemplo, ꞌne ma dä maxkägihu̱ pa hingä pe̱fihu̱ nuꞌu̱ yä tsꞌo tꞌo̱tꞌe bi me̱fiꞌu̱ (1Co 15:22; w09-S 1/9 rä nxii 14, rä parr. 6).