MÄ MꞌU̱IHU̱ NGU YÄ KRISTIANU
Rä Zi Dada Jeoba faxkägihu̱ gä ze̱tihu̱ yä xuñha
Ha nuya yä gäxä pa, gatꞌho di thogihu̱ yä xuñha, ꞌne rꞌabu̱ zäi ge di sentihu̱ ge ya hingä ze̱tihu̱. Pe mu̱ gä sigi gä hombäbihu̱ rä mfatsꞌi rä Zi Dada Jeoba, näꞌä ma dä maxkägihu̱ gä ze̱tihu̱ asta nuꞌu̱ yä xuñha xi yä däta (Is 43:2, 4). ¿Te ma dä maxꞌäꞌi pa mänꞌa gi mpe̱ntꞌi de rä Zi Dada Jeoba ora gi thogi yä däta xuñha?
Rä sadi. Mu̱ gä xipäbihu̱ rä Zi Dada Jeoba gatꞌho näꞌä di sentihu̱, Näꞌä ma dä maxkägihu̱ gä pe̱ꞌtsihu̱ nꞌa rä tsaya ha mä mfenihu̱ ꞌne ma dä rꞌakägihu̱ rä tsꞌe̱di pa gä sigi gä ze̱tihu̱ (Flp 4:6, 7; 1Te 5:17).
Yä mhuntsꞌi. Ha nuya yä gäxä pa di ꞌmu̱hu̱, mänꞌa xa di honihu̱ näꞌä rä ñhuni bi ehe de rä Noya Äjuä, ꞌne gä muntsꞌihu̱ ko mä kuhu̱ pa gä nupä mfenihu̱ nꞌa ngu mänꞌaa (Heb 10:24, 25). Ora di nxadihu̱ näꞌä imformäsio ma gä handihu̱ ha yä mhuntsꞌi ꞌne di ntinihu̱ ꞌne unihu̱ yä komentario, mänꞌa di probechahu̱ xä ñho näꞌä rä mfatsꞌi uni rä Zi Dada Jeoba (Ap 2:29).
Rä predicación. Mu̱ hindi he̱gihu̱ de gä predikahu̱, ma dä maxkägihu̱ gä pe̱ꞌtsihu̱ yä hogä mfeni. ꞌNe koꞌmu̱ ora di predikahu̱ di mpe̱fihu̱ mähye̱gi ko rä Zi Dada Jeoba ꞌne ko mä kuhu̱, mä ntsitsꞌihu̱ kongeꞌu̱ mänꞌa di te (1Co 3:5-10).
HYANDIHU̱ RÄ BIDEO RÄ ZI DADA JEOBA GO MA DÄ NKARGO DÄ SUꞌI. MꞌE̱FA THÄDIHU̱ NUYA YÄ NTꞌANI:
¿Te bi matsꞌi rä nju Malu pa bi mpe̱ntꞌi de rä Zi Dada Jeoba ꞌne himbi ꞌuege de Geꞌä?
¿Hanja di nupkägihu̱ mä mfenihu̱ Salmo 34:18 ja ngu di nupäbi rä mfeni rä nju Malu?
¿Habu̱ bä hä rä tsꞌe̱di rä zi nju Malu pa bi ze̱ti gatꞌho nuꞌu̱ yä däta xuñha bi thogi, ꞌne te dä za gä pädihu̱ ge geꞌä? (2Co 4:7).