Rä rey David bi umbäbi nꞌa rä hogä konseho rä tꞌu̱

Konose xä ñho rä Zi Dada Jeoba po ri kuentase̱ (1Cr 28:9; w05-S 15/2 rä nxii 19, rä parr. 9).

Pe̱päbi rä Zi Dada Jeoba ko ngatꞌho ri koraso (1Cr 28:9; w12-S 15/4 rä nxii 16, rä parr. 13).

Pe̱ꞌspäbi rä komfiansa rä Zi Dada Jeoba ꞌne ogi tsu (1Cr 28:20; w17.09-S rä nxii 32, yä parr. 20, 21).

Rä rey David bi umbäbi yä hogä konseho Salomón ꞌne geꞌä bi matsꞌi nuꞌmu̱ bi mu̱di bi hyoki rä templo. ¿Por hanja nuya yä konseho dä za dä maxkägihu̱ ꞌnehe? ¿Hanja ma dä matsꞌi yä bäsjäꞌi nuya yä konseho?