MÄ MꞌU̱IHU̱ NGU YÄ KRISTIANU
¿Gi ñhandäse̱ ja ngu hantꞌäꞌi Jeoba?
Rä Zi Dada Jeoba xa di mädi yä ꞌme̱go (Sl 149:4). Jeoba o̱tꞌe ngue̱nda gatꞌho näꞌä di pe̱fihu̱ xä ñho ꞌne nuꞌu̱ yä hogä mꞌu̱i di pe̱ꞌtsihu̱, mäske rꞌabu̱ hingä geꞌä di pe̱fihu̱. Pe rꞌabu̱ di jakägihu̱ xä ñhei gä ñhandäse̱hu̱ ja ngu hanꞌgägihu̱ Jeoba. Rꞌabu̱ di mbenihu̱ njabu̱ po nuꞌu̱ yä error xtä o̱tꞌehu̱ o po näꞌä xikägihu̱ märꞌaa; ꞌne jakägihu̱ gä mbenihu̱ ge Jeoba nunka ma dä mäkägihu̱ o ge hinte di balehu̱. Mu̱ nuꞌi gi senti njabu̱, ¿te dä za dä maxꞌäꞌi?
Beni ge Jeoba hingi hanꞌgägihu̱ ja ngu hanꞌgägihu̱ yä jäꞌi (1Sa 16:7). Yä jäꞌi hingi tsa dä hyandi näꞌä ja ha mä korasohu̱, pe Jeoba hää. Hänge ora di nxadihu̱ rä Biblia dä hogi gä jamäsuhu̱ te di mbeni ꞌne te senti Jeoba po yä ꞌme̱go.
HYANDIHU̱ RÄ BIDEO KOMBENSE RI KORASO GE JEOBA DI MÄꞌI. MꞌE̱FA THÄDIHU̱ NUYA YÄ NTꞌANI:
¿Te mä ejemplo bi usa yä anciano pa bi matsꞌi näꞌä rä ku dä ñhandäse̱ ja ngu mi handi Jeoba?
Mu̱ gä fayabi rä Zi Dada Jeoba, pe ya xkä arrepenti ꞌne ya xkä adi rä mfatsꞌi pa gi pe̱ꞌtsi mänꞌaki nꞌa rä hogä ntsitsꞌi kongeꞌä, ¿te dä za gi pe̱fi pa gi kombense ri koraso ge Jeoba ya bi punꞌäꞌi ꞌne ge xa di mäꞌi? (1Jn 3:19, 20).
Ja ngu dä handihu̱ ha rä bideo, ¿hanja bi matsꞌi näꞌä rä ku dä hñeti ꞌne dä ntso̱ꞌmi hanja bi trata Jeoba rä rey David ꞌne rä rey Jehosafat?