YÄ TESORO DE RÄ NOYA ÄJUÄ
Gä muntsꞌihu̱ ko mä kuhu̱ uni rä johya
Ezequías bi matsꞌi rä hnini pa bi yꞌo̱tꞌe mänꞌaki rä Pascua ha Jerusalén (2Cr 30:1; it-1-S rä nxii 905, rä parr. 4).
Ndunthi yä jäꞌi bi ntini ha nunä ngo mäske bi thogi yä burla ꞌne yä ntꞌu̱tsate (2Cr 30:10, 11, 13; it-1-S rä nxii 905, rä parr. 5).
Nuꞌu̱ toꞌo bi ntini ha nunä ngo, xa bi johya ꞌne bi gu̱ rä balo pa bi sigi bi me̱päbi Jeoba (2Cr 30:25–31:1; it-1-S rä nxii 905, yä parr. 6, 7).
ÑꞌANISE̱: «¿Hanja xä maxkägi gä ntini ha yä mhuntsꞌi ꞌne ha yä däta mhuntsꞌi mäske di thogi yä burla o märꞌa yä xuñha?».