MÄ MꞌU̱IHU̱ NGU YÄ KRISTIANU
«Kada nꞌa de geꞌähu̱ ꞌuekehu̱ nꞌa zi hängu»
Mähyoni gä uni mä donäsiohu̱, hingä asta nuꞌmu̱ gä benihu̱ o asta nuꞌmu̱ di pe̱ꞌtshu̱ ndunthi rä bojä. Rä apostol Pablo bi ꞌñembäbi nuꞌu̱ yä mu̱di kristianu ge xä nzäi xä ꞌueke «nꞌa zi hängu» rä bojä pa xä uni de gä donäsio (1Co 16:2). Mu̱ gä jahu̱bu̱ ꞌnehe, ma gä mfaxtehu̱ ha rä mäkä ꞌme̱fi Äjuä ꞌne xa ma gä johyahu̱. Rꞌabu̱ zäi di mbenihu̱ ge hindi muui nuꞌu̱ yä donäsio di unihu̱, pe rä Zi Dada Jeoba xa di numäñho ora handi ge ko rä johya di unihu̱ nuꞌu̱ yä ñho di pe̱ꞌtsihu̱ (Pr 3:9).
HYANDIHU̱ RÄ BIDEO DI JAMÄDIHE PO NUꞋU̱ RI DONÄSIO GI UNI, MꞌE̱FA THÄDIHU̱ NUYA YÄ NTꞌANI:
¿Por hanja mänꞌa xä ñho gi hñutsꞌi te mä pa ꞌne hängu ma gi ꞌueke pa gi uni de gä donäsio?
¿Te xä me̱fi rꞌa yä ku pa xä za xä ꞌueke «nꞌa zi hängu» pa dä uni de gä donäsio?