MÄ MꞌU̱IHU̱ NGU YÄ KRISTIANU
Dadahu̱, ꞌñuti ri bätsihu̱ dä johyabi rä koraso rä Zi Dada Jeoba
Rä Zi Dada Jeoba xa di numäñho yä bäsjäꞌi ꞌne xa di johya ora handi hanja di ze̱ti yä xuñha ꞌne di te yä jamfri po Geꞌä (1Sa 2:26; Lu 2:52). Asta yä tꞌu̱kä bätsi dä za dä japäbi dä johya rä Zi Dada Jeoba mu̱ di porta xä ñho (Pr 27:11). Po mädee de rä hnini, rä Zi Dada Jeoba xä umbäbi yä mfatsꞌi yä dada pa dä ꞌñuti yä zi bätsi dä mädi ꞌne dä yꞌo̱tebi yä mhända.
HYANDIHU̱ RÄ BIDEO BÄSJÄꞌI, JEOBA MA DÄ JOHYA MU̱ GI TSE̱TI. MꞌE̱FA THÄDIHU̱ NUYA YÄ NTꞌANI:
Ngu xä thogi yä je̱ya, ¿ndaꞌu̱ nuꞌu̱ yä mfatsꞌi xä umbäbi rä Zi Dada Jeoba yä bäsjäꞌi?
Mäpaya, ¿te mä mfatsꞌi pe̱ꞌtsi yä dada?
Bäsjäꞌi, de nuꞌu̱ yä mfatsꞌi xä rꞌaꞌi Jeoba, ¿ndaꞌä mänꞌa xä maxꞌäꞌi ꞌne por hanja?