Märꞌa yä artikulo ehe ha rä revista Yꞌo̱dehu̱

Ndunthi yä ku xa di ho dä usa rä aplicación JW Library^® pa dä ñhoki ko näꞌä rä imformäsio di handihu̱ ha yä mhuntsꞌi. Por ejemplo, ha nꞌa de nuꞌu̱ yä mhuntsꞌi di pe̱ꞌtsihu̱ di nxadihu̱ rä revista Yꞌo̱dehu̱. Pe rꞌabu̱ nunä revista ñꞌoui märꞌa yä artikulo nuꞌu̱ mäske hindi nxadihu̱ ha yä mhuntsꞌi, dä hogi gä nxadise̱hu̱ ngeꞌä ꞌnehe udi de rä Noya Äjuä. ¿Hanja dä za gi tini nuya yä artikulo ha JW Library?

• Hai de nuꞌu̱ yä ntꞌudi di nxadihu̱ ha yä mhuntsꞌi, ma gi tini yä noya «Otros artículos». Mu̱ gi su̱ꞌti habu̱ enä «Contenido de este número», mäntꞌä ma gi hyandi nuꞌu̱ yä ntꞌudi di nxadihu̱ ha rä mhuntsꞌi ngeꞌä di ñꞌoui nꞌa rä numero. ꞌNehe ma gi hyandi nuꞌu̱ märꞌa yä artikulo ehe. Su̱ꞌti näꞌä gi ne gi hñeti.

• Ha rä aplicación JW Library, mu̱ gi ku̱tꞌi habu̱ enä «Lo nuevo» ja ma dä nhekini kada dä bo̱ni nꞌa rä rꞌayꞌo revista Yꞌo̱dehu̱ pa dä za gi käꞌmi ꞌne gi hñeti.