Pa gi su ri amista ko Jeoba, ꞌueke rä tiempo pa gi xeni te udi rä Mäkä Tꞌofo

Hñeti Daniel 9:1-19 pa gi hyandi por hanja xa mähyoni gi ꞌueke ri tiempo pa gi xeni ꞌne gi nxadi te udi rä Mäkä Tꞌofo.

Hñeti nuꞌu̱ yä testo ehe änte ꞌne mꞌe̱fa. Hyandi te bi thogi änte ꞌne hanja bi afektabi Daniel (Dan. 5:29–6:5). Xiꞌmu̱ go di geꞌi Daniel, ¿te xkä senti?

Imbestiga märꞌa yä dato. ¿Ndaꞌu̱ nuꞌu̱ yä mfistꞌofo tal vez bi xeni pa bi nxadi rä profeta Daniel? (Dan. 9:2, hyandi rä nota; w11-S 1/1 rä nxii 22, rä parr. 1). ¿Por hanja rä profeta Daniel bi xipäbi Jeoba nuꞌu̱ yä pekadose̱ ꞌne nuꞌu̱ yä pekado rä hnini Israel? (Lev. 26:39-42; 1 Rey. 8:46-50; dp-S yä nxii 182-184). Ha näꞌä rä sadi bi ja rä profeta Daniel, ¿hanja di nheki ge näꞌä xa mi ho dä nxadi ꞌne dä xeni rä Mäkä Tꞌofo? (Dan. 9:11-13).

Hyandi te dä za gi pädi ꞌne pe̱fi ha ri mꞌu̱i. Ñꞌanise̱:

• «¿Te dä za gä pe̱fi pa njabu̱ hindä distraegi nuꞌu̱ yä tꞌo̱tꞌe thogi ha rä xiꞌmhai?» (Miq. 7:7).

• «¿Te mä benefisio ma gä häni mu̱ gä ꞌueke rä tiempo pa gä nxadi rä Noya Äjuä ja ngu bi ja rä profeta Daniel?» (w04-S 1/8 rä nxii 12 rä parr. 17).

• «Mu̱ nzäntho di ne gä su mä ntsitsꞌi ko rä Zi Dada Jeoba, ¿te mä imformäsio debe gä imbestiga ꞌne gä nxadi?» (Mat. 24:42, 44; w12-S 15/8 rä nxii 5, yä parr. 7, 8).