Rä nota

d Näꞌä profesia bi mää hanja ma xä uadi Babilonia, ho̱nse̱ geꞌä nꞌatho de nuꞌu̱ mä ndunthi yä profesia xä kumpli. Ngu nuꞌu̱ yä profesia bi mää hanja ma xä uadi rä hnini Tiro ꞌne Ninibe (Ezequiel 26:1-5; Sofonías 2:13-15). ꞌNehe, rä profeta Daniel bi mää ndaꞌu̱ nuꞌu̱ yä däta gobiernu ma xä nheki ha rä Xiꞌmhai mꞌe̱fa de Babilonia, ngu Medopersia ꞌne Gresia (Daniel 8:5-7, 20-22). Ha rä apendise de näꞌä rä nxii 230 ꞌne 231, ma gi tini mä ndunthi yä profesia bi tꞌofo de rä Mesia ꞌne hanja bi kumpli ha rä te Ñhesukristo.