Rä nota

d Ha näꞌä Ley xki tꞌumbäbi Moisés, mi mändabi yä ꞌme̱hñä ge dä uni nꞌa rä ofrenda kada dä mꞌu̱i yä bätsi, pa njabu̱ gatꞌho dä beni ge yä dada tsokuäbi rä pekado yä bätsi (Levítico 12:1-8). Geꞌä bi matsꞌi yä israelita pa bi ntiende ge himi ja mꞌe̱di dä feni ꞌne dä tꞌo̱tꞌe yä ngo näꞌä fecha xki mꞌu̱iꞌu̱, ꞌne njabu̱ himbi de̱ni nuꞌu̱ yä nzäi mi o̱tꞌe nuꞌu̱ yä jäꞌi himi xo̱kämbeni Jeoba (Salmo 51:5).