Rä nota

a Rä Hesu bi japi bi tsaya nꞌa rä däta bu̱nthi yꞌee, bi yꞌo̱the nuꞌu̱ mi hñeni, ꞌne asta bi japi bi nuhu nuꞌu̱ xki du. Ora di hetihu̱ rä Biblia ꞌne di handihu̱ nuꞌu̱ yä milagro bi ja rä Hesu, rꞌakägihu̱ ndunthi rä johya. Pe nuꞌu̱ yä milagro bi ja rä Hesu himbi thutsꞌi ha rä Biblia ho̱nse̱ pa gä sorprendehu̱, sino pa gä handihu̱ te dä za dä ꞌñutkägihu̱. Ha nunä ntꞌudi ma gä nxadihu̱, ma gä no̱nihu̱ rꞌa de nuꞌu̱ yä milagro ꞌne ma gä handihu̱ te dä za dä ꞌñutkägihu̱ de rä Zi Dada Jeoba ꞌne de rä Hesu. Hää, näꞌä ma gä pädihu̱ ma dä japi dä ze̱di mä jamfrihu̱ ꞌne ma dä ꞌñutkägihu̱ hanja dä za gä huekihu̱ märꞌaa ꞌne por hanja hindi debe gä exä mä nsuhu̱.