Rä nota

a Mäske Job bi ze̱ti gatꞌho nuꞌu̱ yä xuñha bi thogi, pe rꞌabu̱ xa bi durämu̱i po näꞌä mi mbeni nuꞌu̱ hñuu yä amigo mi no̱ni. Nuꞌmu̱ bi mu̱di bi thogi yä dumu̱i ja ngu nuꞌmu̱ bi du yä bätsi ꞌne bi ꞌme̱di gatꞌho näꞌä mi pe̱ꞌtsi, rä Mäkä Tꞌofo enä ge Job «näꞌä himbi peka nixi bi hyo̱xä rä thai Äjuä po näꞌä mi thogi» (Job 1:22; 2:10). Pe ora nuꞌu̱ yä amigo bi ꞌñembäbi Job ge mi thogi gatꞌho nuꞌu̱ yä dumu̱i ngeꞌä jabu̱ te xki yꞌo̱tꞌe, nuꞌmu̱ Job bi mu̱di bi defende rä thuhuse̱ ꞌne himbi mbeni mꞌe̱tꞌo änte bi ñä. Hää, Job mänꞌa bi durämu̱i po näꞌä mi mbeni yä jäꞌi de geꞌä, ꞌne hingo bi durämu̱i po dä nsundabi ꞌne dä xu̱kuäbi rä thuhu rä Zi Dada Jeoba (Job 6:3; 13:​4, 5; 32:2; 34:5).