RÄ JÄHÑÄ 142
Ogi häki de ri mfeni näꞌä rä humu̱i gi pe̱ꞌtsi
(Hebreos 6:18, 19)
1. Yä mexiꞌmhai gäꞌtsi ꞌne di sufri ndunthi,
ya hingi pädi te dä za dä me̱fi.
Ho̱nse̱ handi yä xuñha ꞌne yä tuhni,
ꞌne ya bi ꞌme̱di yä humu̱i.
(CORO)
Ya ma dä zo̱ho̱ rä Tsꞌu̱tꞌhui Äjuä
ꞌne ma dä matsꞌi gatꞌho yä mexiꞌmhai.
Ya hindä nja yä tsꞌoni ni rä du.
Gehnä rä humu̱i mähotho di pe̱ꞌtshu̱.
2. Rä pa Äjuä mänꞌitꞌho ya ma dä zo̱ho̱,
po rängeꞌä pe̱ꞌtsi te gä ze̱tihu̱.
Mä jamfrihu̱ go ma dä maxkägihu̱
pa hingä ꞌme̱di mä humu̱ihu̱.
(CORO)
Ya ma dä zo̱ho̱ rä Tsꞌu̱tꞌhui Äjuä
ꞌne ma dä matsꞌi gatꞌho yä mexiꞌmhai.
Ya hindä nja yä tsꞌoni ni rä du.
Gehnä rä humu̱i mähotho di pe̱ꞌtshu̱.
(Hyandi ꞌnehe Sal. 27:14; Ecl. 1:14; Joel 2:1; Hab. 1:2, 3; Rom. 8:22.)