Elifas
Zäi ge mi rä mengu Temán, de rä hai de Edom. Ha Jeremías 49:7, no̱ni rä hai de Temán, ngu nꞌa rä hnini habu̱ mi ꞌmu̱i nuꞌu̱ yä edomita myä bämhñä.
Elifas geꞌä mꞌe̱tꞌo bi ñä nuꞌmu̱ bi ma bä nuu Job, hänge zäi ge geꞌä mi mädä de nuꞌu̱ mä yoho yä ñꞌo̱ho̱. Näꞌä geꞌä po hñu mꞌiki mänꞌa xa bi ñä ndunthi ke nuꞌu̱ mä yoho.
¿Te mä nhemhñä bi gu̱tsꞌi?
Bi mää ge Job hingä xa mäjuäni mi mädi Jeoba. ꞌNehe bi mää ge Jeoba hingi pe̱ꞌspäbi rä komfiansa yä ꞌme̱go (Job 4, 5).
Bi mää ge Job mrä ꞌñexmänsu, mrä yꞌo̱tꞌä tsꞌoki, ꞌne ge hingä mi pe̱ꞌspäbi rä tꞌekꞌei Jeoba (Job 15).
Bi ꞌñenä ge Job mrä kꞌatꞌi, ge himi o̱tꞌe rä justisia, ꞌne ge gatꞌho yä jäꞌi hinte yä muui pa Äjuä (Job 22).
Bildad
Xki ꞌñehe de rä familia Súah. Zäi ge mi ꞌmu̱i ha rä ñäni de rä däthe Éufrates.
Bi ñä mꞌe̱fa de xki ñä Elifas. ꞌNehe bi ñä hñu mꞌiki. Pe mäske tsꞌu̱tho näꞌä bi mää, nuꞌu̱ yä noya bi xipäbi Job, mänꞌa xa mi u̱nte ke näꞌä xki mängä Elifas.
¿Te mä nhemhñä bi gu̱tsꞌi?
Bi mää ge Job himi pe̱ꞌspäbi rä tꞌekꞌei Äjuä, ꞌne ge nuꞌu̱ yä bätsi xki yꞌo̱tꞌä yä tsꞌoki hänge mi merese gatꞌho näꞌä xki thogi (Job 8).
Bi mää ge Job mi rä yꞌo̱tꞌä tsꞌoki (Job 18).
Bi mää ge mäske yä jäꞌi dä yꞌo̱tꞌe näꞌä xä ñho ꞌne dä ñꞌo mänjuäntho ha rä ꞌñuu Äjuä, hinte rä muui pe̱ꞌtsi (Job 25).
Sofar
Mi nꞌa rä naamatita, zäi ge xki ꞌñehe de rä noroeste de Arabia.
Geꞌä bi ñä rä gätsꞌi. Pe mäske bi ñä ho̱nse̱ yo mꞌiki, näꞌä bi xipäbi Job mänꞌa xa mi u̱nte ke näꞌä xki mää Elifas ꞌne Bildad.
¿Te mä nhemhñä bi gu̱tsꞌi?
Bi xipäbi Job ge mi nꞌa rä hyate ꞌne ge näꞌä mi mää, hinte mi ja rä muui. Asta bi ꞌñembäbi ge xä ꞌuege de nuꞌu̱ yä tsꞌoki mi pe̱fi (Job 11).
Bi mää ge Job mrä tsꞌomꞌu̱i ꞌne ge asta mi ho dä yꞌo̱tꞌä yä däta tsꞌoki (Job 20).