«Nꞌa rä rey ma dä ndä pa dä yꞌo̱tꞌe rä justisia»

Rä Hesu näꞌä Rey, di huahni yä «prinsipe» o yä ansiano pa dä su rä taxo

32:1-3

• Ja «ngu nꞌa rä ntaki kontra rä däyꞌe», nuꞌu̱ yä prinsipe o yä ansiano di su rä zi taxo ora thogi yä ntꞌu̱tsate ꞌne yä dumu̱i.

• Ja «ngu nꞌa rä nzo̱the ha nꞌa rä yꞌotꞌä hai», yä ansiano umbäbi rä dehe nuꞌu̱ tuthe, ko näꞌä rä dehe xä ntꞌaxi de rä Noya Äjuä.

• Ja «ngu rä xudi nꞌa rä ndo̱do näꞌä ja ha nꞌa rä yꞌotꞌä hai», yä ansiano japi dä zamäñho rä zi taxo ora ko rä Mäkä Tꞌofo di gu̱hni, nupäbi yä mfeni ꞌne huꞌmpäbi yä mu̱i.