Jeoba umbäbi rä tsꞌe̱di nuꞌu̱ xä zabi

40:29-31

• Nꞌa rä nxu̱ni dä za dä ñhatsꞌi asta mäñä durante yä ora. ¿Gi pädi por hanja? Ngeꞌä ora di ñhatsꞌi, rꞌabu̱ di nthe̱ui rꞌa yä columna de gä ndähi nuꞌu̱ xä pa. Oraꞌä näꞌä nxu̱ni ku̱tꞌi mboo de näꞌä columna ꞌne di thetꞌi mbo de gehnä, ꞌne geꞌä fatsꞌi pa dä bo̱tsꞌe asta mäñä. Ora ya dä zu̱di nꞌa rä altura xä ñhetsꞌi, nubye̱ thogi ha mä nꞌa de nuꞌu̱ yä columna de gä ndähi, ꞌne dä mu̱di dä jabu̱ mänꞌaki.

• Ora yä nxu̱ni di ñhatsꞌi durante yä ora, ꞌñenä hingi o̱tꞌe ntsꞌe̱di ꞌne hingi tsabi. Nunä kꞌoi, udi xä ñho hanja Jeoba ꞌnehe rꞌakägihu̱ rä tsꞌe̱di pa gä pe̱päbihu̱ ꞌne pa hindä zabigihu̱.