Ñä ko rä mhäte ꞌne rä nhuekäte

1 Tesalonicenses 2:7, 8

NÄꞌÄ MÄHYONI GI PE̱FI: Ñä dende ha ri koraso ꞌne ꞌñudi ge xa mäjuäni gi turimu̱i po nuꞌu̱ toꞌo o̱xꞌäꞌi.

HANJA DÄ ZA GI PE̱FI

• Yꞌo̱tꞌe ngue̱nda nuꞌu̱ toꞌo o̱xꞌäꞌi. Pa dä za gi ñä dende ha ri koraso, mꞌe̱tꞌo mbeni ngu te mä xuñha thogi nuꞌu̱ toꞌo o̱xꞌäꞌi, ꞌnepu̱ imäjinä te ngu di sentiꞌu̱.

• Mbeni xä ñho te ma gi mää. Yꞌo̱tꞌe ntsꞌe̱di po gi hoꞌti ꞌne gi nupäbi yä mfeni nuꞌu̱ toꞌo o̱xꞌäꞌi. Ogi ofende nuꞌu̱ yä jäꞌi hingi pe̱päbi Jeoba, nixi gi ñämäñꞌu̱ de nuꞌu̱ yä nzäi pe̱ꞌtsi.

• ꞌÑudi ge gi turimu̱i po nuꞌu̱ toꞌo o̱xꞌäꞌi. Po näꞌä rä tono ri voz ꞌne po nuꞌu̱ ri gesto, ja ma dä nhekibu̱ te gi senti po nuꞌu̱ toꞌo o̱xꞌäꞌi. Po rä ngeꞌä, yꞌo̱tꞌe ntsꞌe̱di po dä nheki ge gi johya.