Tso̱mbäbi ha yä koraso

Proverbios 3:1

NÄꞌÄ MÄHYONI GI PE̱FI: Fatsꞌi nuꞌu̱ toꞌo o̱xꞌäꞌi pa dä hyandi ko ndunthi rä muui nuꞌu̱ yä ntꞌudi ꞌne dä yꞌo̱tꞌe ntsꞌe̱di po dä aplika ha yä mꞌu̱i.

HANJA DÄ ZA GI PE̱FI

• Fatsꞌi pa dä da ngue̱nda te ngu yä mꞌu̱i. Yꞌo̱tpäbi yä ntꞌani pa dä hyandäse̱ te ja mbo ha yä koraso.

• Nupäbi yä mfeni pa dä me̱fi näꞌä xä ñho. Mbitabi nuꞌu̱ toꞌo o̱xꞌäꞌi pa dä mbenise̱ por hanja pe̱fi näꞌä xä ñho. Fatsꞌi pa dä sigi dä me̱fi näꞌä xä ñho po nuya yä raso: po näꞌä rä mhäte senti po Jeoba, po rä mikꞌei ꞌne po nuꞌu̱ yä ntꞌudi de rä Mäkä Tꞌofo. ꞌÑudi por hanja xa mähyoni gä pe̱fihu̱ nuꞌu̱ yä tsꞌofo rꞌakhu̱ Äjuä. Mu̱ gi jabu̱, nuꞌu̱ ma dä sigi dä yꞌo̱tꞌe ntsꞌe̱di po dä me̱fi näꞌä xä ñho.

• Fatsꞌi pa dä hyandi te senti Jeoba. ꞌÑudi hanja nuꞌu̱ yä ntꞌudi, nuꞌu̱ yä tsꞌofo ꞌne nuꞌu̱ yä mhända hutsꞌi ha rä Mäkä Tꞌofo, utkägihu̱ hängu di mäkägihu̱ Jeoba ꞌne faxkägihu̱ pa gä pädihu̱ de geꞌä. Fatsꞌi nuꞌu̱ toꞌo o̱xꞌäꞌi pa dä hyandi te senti Jeoba po gekhu̱. Mu̱ gi jabu̱, nuꞌu̱ ma dä ne dä johyabi rä koraso.