RÄ LECCIÓN 16

Nupäbi yä mfeni

Job 16:5

NÄꞌÄ MÄHYONI GI PE̱FI: En lugar de gi ñä ho̱nse̱ de yä xuñha, hyoni hanja gi nupäbi yä mfeni nuꞌu̱ toꞌo o̱xꞌäꞌi.

ꞌÑudi ge gi pe̱ꞌspäbi rä komfiansa. En lugar de gi duda de yä ku, ꞌñudi ge gi kamfri ge nuꞌu̱ hää dä za dä johyabi rä koraso Jeoba. Änte de gi uni nꞌa rä tsꞌofo, mähyoni ge mꞌe̱tꞌo gi nupäbi yä mfeni.

Ora gi udi, ja ko rä mhäte, ko rä tꞌekꞌei ꞌne ko rä johya. Mu̱ gi jabu̱, nuꞌu̱ ma dä ho dä yꞌo̱xꞌäꞌi.
Ogi japi dä duyämu̱i nuꞌu̱ toꞌo o̱xꞌäꞌi. Mu̱ ma gi no̱ni nꞌa rä xuñha o nꞌa rä tsꞌo thogi, mää ho̱nse̱ nuꞌu̱ yä detalle di ja mꞌe̱di. Mänꞌa dä hogi gi mängä nuꞌu̱ yä tꞌo̱tꞌe dä nupäbi yä mfeni.
Usa xä ñho rä Mäkä Tꞌofo. Por ejemplo, dä za gi no̱ni näꞌä xä me̱fi Jeoba, näꞌä pe̱fi mäpaya ꞌne näꞌä ma dä me̱fi xudi ndämäni po yä mexiꞌmhai. Fatsꞌi nuꞌu̱ toꞌo o̱xꞌäꞌi pa dä nja yä balo ꞌne dä ze̱di yä jamfri.