RÄ JÄHÑÄ 138
Yä tꞌaxtää xa mähotho
1. Entre nuju̱ di hanthu̱
rꞌa yä zi xita,
ꞌne mähye̱gi kongekhu̱
sigi di ze̱ti.
Yä je̱ya xä dekuäbi
ndunthi yä tsꞌe̱di.
Fatsꞌi dä beni Jeoba
näꞌä rä humu̱i.
(CORO)
Jeoba beni hanja
nuꞌu̱ xä ze̱ti.
Japi ge dä beni
ge xa gi mädi.
2. Yä tꞌaxtää xa mähotho;
nꞌa rä däta nsu,
ngeꞌä xä ñꞌo mänjuäntho
ha rä hogä ꞌñuu.
Hänge ma gä benihu̱
ge mi mbäsjäꞌi
nuꞌu̱ bi me̱pi Jeoba
ko ngatꞌho yä te.
(CORO)
Jeoba beni hanja
nuꞌu̱ xä ze̱ti.
Japi ge dä beni
ge xa gi mädi.
(Hyandi ꞌnehe Sal. 71:9, 18; Prov. 20:29; Mat. 25:21, 23; Luc. 22:28; 1 Tim. 5:1.)