Watchtower BIBLIOTECA HA INTERNET
Watchtower
BIBLIOTECA HA INTERNET
Ñañu
O̱
  • Ä
  • ä
  • E̱
  • e̱
  • O̱
  • o̱
  • U̱
  • u̱
  • ꞌ
  • RÄ MÄKÄ TꞌOFO
  • YÄ HE̱ꞌMI
  • YÄ MHUNTSꞌI
  • lff rä lección 5
  • Rä Biblia geꞌä rä Noya Äjuä xä tꞌofo pa nuju̱

Otho rä bideo pa nunä testo o parrafo.

Punꞌgägihe, hingi tsa dä xogi nunä bideo.

  • Rä Biblia geꞌä rä Noya Äjuä xä tꞌofo pa nuju̱
  • ¡Johya pa nzäntho!—Rä Biblia udi te debe gi pe̱fi
  • Yä subtítulo
  • Rä imformäsio ngunätho
  • HANJA DÄ ZA DÄ MAXꞌÄꞌI RÄ NOYA ÄJUÄ
  • NÄꞌÄ DÄ PÄDIHU̱
  • HABU̱ DÄ ZA GI PÄDI MÄ NꞌA TU̱I
  • ¿Xa mäjuäni bi ehe de Äjuä nuꞌu̱ yä hogä noya hutsꞌi ha rä Mäkä Tꞌofo?
    Äjuä pe̱ꞌtsi rꞌa yä hogä noya pa nuꞌi
  • Hanja dä za gi pädi te adi Äjuä
    ¿Te adi Äjuä de gekhu̱?
  • ¿Hanja dä za dä maxꞌäꞌi rä Biblia?
    ¡Johya pa nzäntho!—Rä Biblia udi te debe gi pe̱fi
  • ¿Hanja dä za dä maxꞌäꞌi rä Biblia?
    ¡Johya pa nzäntho!—Pädi nꞌa tu̱i de rä Biblia
Hyandi mänꞌa tu̱i
¡Johya pa nzäntho!—Rä Biblia udi te debe gi pe̱fi
lff rä lección 5
Rä lección 5. Nꞌa rä ñꞌo̱ho̱ xä ma ha rä autobus ꞌne heti rä Biblia pa dä probecha rä tiempo.

RÄ LECCIÓN 05

Rä Biblia geꞌä rä Noya Äjuä xä tꞌofo pa nuju̱

Njaua di nheki nunä he̱ꞌmi
Njaua di nheki nunä he̱ꞌmi
Njaua di nheki nunä he̱ꞌmi

Rä Zi Dada Jeoba xä rꞌakägihu̱ nꞌa rä regalo xa mähotho. ¿Te mä regaloꞌä? ¡Rä Biblia! ꞌNehe fädi ngu rä Mäkä Tꞌofo o rä Noya Äjuä. Rä Biblia pe̱ꞌtsi 66 yä mfistꞌofo. Pe zäi ge gi ñꞌani: «¿Habu̱ xpä ehe rä Biblia? ¿Toꞌo go rä me̱ti?». Pa gä thädihu̱ nuya yä ntꞌani, mꞌe̱tꞌo ma gä handihu̱ hanja bi zo̱kägihu̱ rä Noya Äjuä.

1. Mu̱ yä jäꞌi go geꞌu̱ bi yꞌofo rä Biblia, ¿por hanja tꞌembäbi rä Noya Äjuä?

Bi mꞌu̱i 40 yä jäꞌi nuꞌu̱ bi yꞌofo rä Mäkä Tꞌofo. Pa geꞌä bi zitsꞌi ngu 1.600 yä je̱ya. Bi mu̱di bi tꞌofo dende rä je̱ya 1513 a.e.c., ꞌne bi uadi ngu po rä je̱ya 98 e.c. Nuꞌu̱ yä jäꞌi bi yꞌofo rä Biblia mi pe̱ꞌtsi rꞌa nꞌañꞌo yä mꞌu̱i ꞌne yä ofisio. Rꞌaa myä mayꞌo, märꞌa myä me̱huä ꞌne rꞌaa myä rey. Pe mäske nuyu̱ yä jäꞌi bi mꞌu̱i ha rꞌa nꞌañꞌo yä je̱ya ꞌne yä luga, dende fu̱di rä Mäkä Tꞌofo asta ri uadi, di nthe̱e̱ ꞌne o rä ꞌñuu näꞌä bi yꞌofoꞌu̱. ¿Gi pädi por hanja? Ngeꞌä Äjuä go rä me̱ti rä Biblia ꞌne go bi mända dä tꞌofo (hñeti 1 Tesalonicenses 2:13, TNM). Hänge nuꞌu̱ bi yꞌofo rä Biblia, himbi yꞌofo de yä mfenise̱, nuꞌu̱ yä jäꞌi «bi ñä po Äjuä ꞌne nuꞌu̱ bi yꞌofo ja ngu näꞌä mi xipä rä espiritu santo» (2 Pedro 1:21, TNM).a Äjuä bi usa rä espiritu santo pa njabu̱ bi xipäbi nuꞌu̱ yä jäꞌi näꞌä mi debe dä yꞌofo (2 Timoteo 3:16, TNM).

2. ¿Toꞌo dä za dä me̱ꞌtsi nꞌa rä Biblia pa dä bädi näꞌä udi?

«Gatꞌho nuꞌu̱ ꞌmu̱i ha rä xiꞌmhai» dä za dä me̱ꞌtsi nꞌa rä Biblia pa dä bädi te mä hogä notisia udi (hñeti Apocalipsis 14:6, TNM). Mäpaya, Äjuä go xä nkargo pa njabu̱ kasi gatꞌho yä jäꞌi dä me̱ꞌtsi nꞌa rä Biblia ha yä idioma. Otho mä nꞌa rä mfistꞌofo näꞌä xä thoki ha ndunthi yä idioma ja ngu rä Biblia. Hindi mporta habu̱ ꞌmu̱i o te mä idioma ñä, gatꞌho yä jäꞌi dä za dä bädi näꞌä udi rä Biblia.

3. ¿Te bi me̱fi Jeoba pa njabu̱ himbi hyopi bi mꞌe̱di rä Biblia?

Näꞌä rä mu̱di Biblia, bi tꞌofo ha yä xifri de ge zuꞌue fädi ngu yä pergamino, ꞌne ha yä xiza de gä arbol fädi ngu yä papiro. Pe nuya yä material himi dura ꞌne nguntꞌä mi yꞌaa. Pe bi mꞌu̱i rꞌa yä zi jäꞌi nuꞌu̱ xa mi mädi rä Noya Äjuä, ꞌne bi yꞌofo ndunthi yä kopia de gehnä. Mäske bi mꞌu̱i rꞌa yä tsꞌomꞌu̱i jäꞌi nuꞌu̱ mi ne dä destrui rä Biblia, bi mꞌu̱pu̱ rꞌa yä zi jäꞌi nuꞌu̱ bi ñäni rä Noya Äjuä; rꞌa de gehyu̱ asta bi tho po geꞌä. Hinto ma dä hñäkuäbi rä Zi Dada Jeoba de dä rꞌakägihu̱ nuꞌu̱ yä noya ꞌne yä konseho. Rä Biblia enä: «Rä noya Äjuä, ma dä dura pa nzäntho» (Isaías 40:8).

HANJA DÄ ZA DÄ MAXꞌÄꞌI RÄ NOYA ÄJUÄ

Pädi hanja Äjuä bi gu̱hni rꞌa yä jäꞌi pa bi yꞌofo rä Biblia, te bi me̱fi pa njabu̱ himbi hyopäbi bi mꞌe̱di, ꞌne te xä me̱fi pa njabu̱ rä Noya xä tso̱ni po gatꞌho rä Xiꞌmhai.

4. Rä Biblia mää toꞌo bi uni rä mfeni pa bi tꞌofo näꞌä hutsꞌi

Yꞌe̱ntsꞌihu̱ rä BIDEO. Mꞌe̱fa hñetihu̱ 2 Timoteo 3:16, TNM, ꞌnepu̱ thädihu̱ nuya yä ntꞌani:

RÄ BIDEO: Nꞌa xe̱ni de rä bideo: ¿De toꞌo bi ehe rä Mäkä Tꞌofo? (2:48)

  • Mu̱ yä jäꞌi go geꞌu̱ bi yꞌofo rä Biblia, ¿por hanja tꞌembäbi rä Noya Äjuä?

  • ¿Gi kamfri ge Äjuä hää bi za bi umbäbi nuꞌu̱ yä noya mi debe dä yꞌofo nuꞌu̱ yä jäꞌi bi yꞌofo rä Biblia? ¿Por hanja?

Nꞌa rä patron mändabi rä sekretario dä yꞌofo nꞌa rä karta ꞌne xipäbi näꞌä debe dä yꞌofo.

Nꞌa rä sekretario dä za dä yꞌofo nꞌa rä karta, pe go rä me̱ti näꞌä toꞌo bi mända dä tꞌofo. Njabu̱ ꞌnehe, mäske yä jäꞌi go geꞌu̱ bi yꞌofo rä Biblia, pe go rä me̱ti Äjuä ngeꞌä go geꞌä bi mända dä tꞌofo ꞌne bi mända te dä thutsꞌi.

5. Yä tsꞌomꞌu̱i jäꞌi himbi logra bi destrui rä Biblia

Koꞌmu̱ Jeoba go geꞌä rä dueñu de rä Biblia, go geꞌäse̱ bi defende pa njabu̱ yä tsꞌomꞌu̱i jäꞌi himbi japäbi bi mꞌe̱di. Po ndunthi yä je̱ya, bi mꞌu̱i rꞌa yä jäꞌi nuꞌu̱ mi ne dä japi dä mꞌe̱di rä Biblia. ꞌNehe, nuꞌu̱ yä jäꞌi mi gu̱tꞌi rä ꞌñuu ha yä nijä, bi ꞌñäkuäbi yä jäꞌi rä Biblia pa njabu̱ hinxä bädi näꞌä mi udi. Pe xä mꞌu̱pu̱ rꞌa yä zi jäꞌi nuꞌu̱ xä ñäni rä Biblia mäske xrä amenäsa o xä tho. Pa gä pädihu̱ mä nꞌa tu̱i näꞌä bi thogi nꞌa de nuꞌu̱ yä zi jäꞌi, yꞌe̱ntsꞌihu̱ rä BIDEO, ꞌnepu̱ thädihu̱ nuya yä ntꞌani:

RÄ BIDEO: Nꞌa xe̱ni de rä bideo: Nuya yä jäꞌi xa bi mädi rä Biblia (William Tyndale) (6:17)

  • Nubye̱ ya gä handi hängu yä sacrificio xä ja rꞌa yä zi jäꞌi pa xä ñäni rä Biblia ꞌne njabu̱ xä zo̱kägihu̱ mäpaya, ¿gi kamfri ge dä hogi gä balorahu̱ ꞌne gä hetihu̱? ¿Por hanja?

Hñetihu̱ Salmo 119:97, ꞌnepu̱ thädihu̱ nunä rä ntꞌani:

  • ¿Por hanja gi kamfri ge rꞌa yä zi jäꞌi bi ñäni rä Noya Äjuä mäske bri amenäsa o bri tho?

6. Rä Biblia, nꞌa rä mfistꞌofo pa gatꞌho yä jäꞌi

Otho mä nꞌa rä mfistꞌofo näꞌä xä thoki ha ndunthi yä idioma ja ngu rä Biblia. Hñetihu̱ Hechos 10:34, 35, TNM, ꞌnepu̱ thädihu̱ nuya yä ntꞌani:

  • ¿Por hanja gi kamfri ge Äjuä ne dä thoki rä Biblia ha ndunthi yä idioma?

  • Xi nuꞌi, ¿te mänꞌa gi ho de rä Biblia?

Yä jäꞌi de rꞌa nꞌañꞌo yä luga de rä Xiꞌmhai heti rä Biblia ha yä idioma.

Kasi

gatꞌho

yä jäꞌi ha rä Xiꞌmhai

pe̱ꞌtsi nꞌa rä Biblia ha nꞌa rä idioma näꞌä tsa dä ntiende

Rä Biblia xä tꞌofo ha thogi de

3.000

yä idioma.

(Gatꞌho o nꞌa xe̱ni de gehnä)

Ngu 5.000 yä miyon

yä kopia de rä Biblia xä thoki.

Hingi ja mä nꞌa rä mfistꞌofo näꞌä xä thokuäbi xa ndunthi yä kopia ja ngu rä Biblia

RꞌA YÄ JÄꞌI ENÄ: «Hadifäꞌä ua xi mäjuäni näꞌä udi rä Biblia o hinä».

  • Xi nuꞌi, ¿te gi mbeni de rä Biblia?

  • ¿Te mä prueba ja nuꞌu̱ udi ge rä Biblia hää mäjuäni rä Noya Äjuä?

NÄꞌÄ DÄ PÄDIHU̱

Äjuä go rä me̱ti rä Biblia ꞌne go bi mända dä tꞌofo. Näꞌä go xä nkargo pa njabu̱ yä jäꞌi de gatꞌho rä Xiꞌmhai dä me̱ꞌtsi nꞌa rä Biblia.

Pa gä benihu̱

  • ¿Por hanja dä za gä mäñhu̱ ge rä Biblia go rä me̱ti Äjuä mäske go bi yꞌofo yä jäꞌi?

  • ¿Te di sorprendeꞌi ora gi handi ge rä Biblia hinxä za xä mꞌe̱di, ge xä thoki ha ndunthi yä idioma, ꞌne ge kasi gatꞌho yä jäꞌi ha rä Xiꞌmhai pe̱ꞌtsi nꞌaa?

  • ¿Xi nubye̱ te gi senti ora gi pädi gatꞌho näꞌä xä me̱fi Äjuä kontal gi pätuäbi rä Noya?

Hyoki de gä tarea

HABU̱ DÄ ZA GI PÄDI MÄ NꞌA TU̱I

Konose mä nꞌa tu̱i rä Biblia: Dende nuꞌmu̱ bi thoki näꞌä xa ri mu̱di asta nuꞌu̱ yä kopia xä tꞌofo mäpaya.

«Hanja bi zo̱kägihu̱ rä Biblia» (¡Despertad!, noviembre de 2007)

Pädi hanja hinto bi za bi destrui rä Biblia mäske bi me̱ꞌtsi hñuu yä dängä nkontra.

«Rä Biblia: Bi bongi mäske bi me̱ꞌtsä yä dängä nkontra» (La Atalaya, núm. 4 2016)

Hyandi te mä peligro bi ñhandui rꞌa yä zi jäꞌi nuꞌmu̱ bi yꞌofo rä Biblia ha mä nꞌa rä idioma.

Nuya yä jäꞌi xa bi mädi rä Biblia (14:26)

Mäpaya xä tꞌofo ndunthi yä kopia de rä Biblia. ¿Hanja di pädihu̱ ge hinto xä paati?

«¿Bi paati yä jäꞌi näꞌä bi tꞌofo ha rä Biblia dende ri mu̱di?» (Ehe ha jw.org)

a Rä espiritu santo geꞌä rä tsꞌe̱di Äjuä di usa pa te dä me̱fi o te dä hyoki. Ma gä pädihu̱ mä nꞌa tu̱i de gehnä ha rä lección 07.

    Biblioteka ha Internet Otomí (Valle del Mezquital) (2000-2025)
    Kotˈi ri kuenta
    Ku̱tˈi ha ri kuenta
    • Ñañu
    • Pe̱mpäbi märꞌaa
    • Paati hanja di nheki
    • Copyright © 2025 Watch Tower Bible and Tract Society of Pennsylvania
    • Condiciones de Uso
    • Política de privacidad
    • Configuración de privacidad
    • JW.ORG
    • Ku̱tˈi ha ri kuenta
    Pe̱mpäbi märꞌaa