RÄ LECCIÓN 4

Introdusi xä ñho yä testo

Mateo 22:41-45

NÄꞌÄ MÄHYONI GI PE̱FI: Änte de gi hñeti nꞌa rä testo, japäbi dä ntso̱ꞌmi nuꞌu̱ toꞌo o̱xꞌäꞌi.

Mbeni por hanja ma gi hñeti nꞌa rä testo. Änte de gi hñeti nꞌa rä testo, mängä rꞌa yä noya pa njabu̱ nuꞌu̱ toꞌo o̱xꞌäꞌi dä me̱ꞌtsi nꞌa rä idea de näꞌä gi ne gi ꞌñudi.

Esplika nuꞌu̱ yä xe̱ni ja änte o mꞌe̱fa de nꞌa rä testo. Mää toꞌo bi yꞌofo näꞌä mfistꞌofo ꞌne toꞌo bi mängä nuꞌu̱ yä noyaꞌu̱.
Usa rä Noya Äjuä pa gi ꞌñudi. Mu̱ nuꞌu̱ toꞌo o̱xꞌäꞌi kamfri Äjuä, xipäbi ge ho̱nse̱ ha rä Mäkä Tꞌofo ma gä tinihu̱ näꞌä xa mäjuäni rä mfädi.
Änte de gi hñeti nꞌa rä testo, japi dä ntso̱ꞌmi nuꞌu̱ toꞌo o̱xꞌäꞌi. Por ejemplo, dä za gi yꞌo̱tꞌe nꞌa rä ntꞌani näꞌä thädi rä testo, dä za gi ꞌñudi hanja dä za dä maxkägihu̱ ante nꞌa rä xuñha o te mä tsꞌofo di tinihu̱ ha näꞌä testoꞌä.

Yꞌo̱tꞌe ngue̱nda näꞌä ya pädi nuꞌu̱ toꞌo o̱xꞌäꞌi. Por ejemplo, mu̱ nuꞌu̱ ya pädi te mängä näꞌä testo ma gi hñeti, nubye̱ hyombäbi mä nꞌa rä aplikasio o fatsꞌi pa dä ntiende mänꞌa xä ñho.