RÄ LECCIÓN 14

Enfatiza nuꞌu̱ yä punto xa mähyoni

Hebreos 8:1

NÄꞌÄ MÄHYONI GI PE̱FI: Fatsꞌi nuꞌu̱ toꞌo o̱xꞌäꞌi pa dä jamäsu ri discurso ꞌne pa dä ntiende hanja di nthe̱ kada nꞌa rä punto ko näꞌä rä tema gi udi.

HANJA DÄ ZA GI PE̱FI

Beni te gi ne gi logra ko ri discurso. ¿Ho̱nse̱ gi ne gi imforma?, ¿gi ne gi kombense nuꞌu̱ toꞌo o̱xꞌäꞌi?, o ¿gi ne gi nupäbi yä mfeni pa dä jamäsu nꞌa rä tsꞌofo? Ogi pumfri te gi ne gi logra mientra gi hoki ri discurso. Mu̱ gi jabu̱, hingä ma dä jaꞌi xä ñhei gi tsu̱di ri meta.

Mꞌe̱tꞌo ñꞌanise̱: «¿Ngu te mä ntꞌani dä za dä yꞌo̱tkägi nuꞌu̱ toꞌo o̱xkägi sobre nunä tema?». ꞌNepu̱, ordenä nuꞌu̱ yä ntꞌani ꞌne nuꞌu̱ yä punto mänꞌa xa mähyoni de ri discurso. Mu̱ gi jabu̱, nuꞌu̱ toꞌo o̱xꞌäꞌi ma dä ntiende, ma dä asepta ꞌne ma dä hyandi ge o rä ꞌñuu näꞌä gi udi.
Enfatiza rä tema ri discurso. Durante ri discurso, enfatiza nuꞌu̱ yä noya o nuꞌu̱ yä idea di apoya näꞌä rä tema gi udi.
Esplika xä ñho ndaꞌu̱ nuꞌu̱ yä punto xa mähyoni. Huahni ho̱nse̱ nuꞌu̱ yä punto dä za gi esplika durante nuꞌu̱ yä minuto di tokaꞌi. Esplika ho̱nse̱ nuꞌu̱ yä punto mänꞌa xa mähyoni. Änte de gi thogi ha kada nꞌa rä punto, ja nꞌa rä tꞌu̱kä pausa.

Dende gi fu̱di ri discurso, no̱ni ndaꞌu̱ nuꞌu̱ yä punto mänꞌa xa mähyoni, ꞌne änte de gi huadi enfatiza nuꞌu̱ yä puntoꞌu̱. Mu̱ gi jabu̱, nuꞌu̱ toꞌo o̱xꞌäꞌi ma dä beni de te bi trata ri discurso.