Tede ri ntsitsꞌi ko Äjuä

1. Japi dä ze̱di ri ntsitsꞌi ko Äjuä.

Hyopi dä nheki ge gi pe̱pi rä bolunta.

Nzäntho ꞌñudi ge gi kamfribi Jeoba,

Näꞌä ma dä maxꞌäꞌi.

ꞌÑuti gatꞌho nu yä zi jäꞌi,

ko rä johya sigi gi fatsꞌi.

Mu̱ nuꞌi nzäntho gi pe̱päbi Jeoba,

Näꞌä hindä zokꞌäꞌi.

2. Ko rä balo predikabi yä jäꞌi.

Hñäꞌspäbi rä noya rä Zi Dada Jeoba.

Sigi gi kumpli ko nunä rä ꞌme̱fi,

Näꞌä ma dä jäpꞌäꞌi.

Sigi gi xipäbiꞌu̱ njaua:

«Ya di mända rä Tsꞌu̱tꞌhui Äjuä».

Ogi hopi ge toꞌo dä piꞌäꞌi.

Jeoba ma dä suꞌäꞌi.

3. Ogi tsaya de gi pe̱päbi Äjuä.

Rä espiritu santo

go ma dä maxꞌäꞌi.

Ma gi senti rä johya mu̱ gi pe̱fi

näꞌä mändaꞌi Jeoba.

Pe̱ꞌtsi te gi hyoni yä jäꞌi

ꞌne gi tso̱ni pa gi ꞌñutuäbi.

Mu̱ gi fatsꞌi, nuꞌu̱ dä za dä mꞌu̱i

ha nꞌa rä rꞌayꞌo xiꞌmhai.