Ma gä yꞌohu̱ ko rä Zi Dada Jeoba

1. Ma gä mähu̱ rä Zi Dada

ꞌne gä yꞌohu̱ kongeꞌä.

Xa di nehu̱ gä o̱tehu̱

ko rä johya rä Noya.

Gatꞌho näꞌä xikägihu̱,

geꞌä pa mä ñhose̱hu̱.

Jeoba nzäntho sugägihu̱,

Näꞌä di mäkägihu̱.

2. Ma gä yꞌohu̱ ꞌne gä mähu̱

gatꞌho nu mä zi kuhu̱,

mu̱ dä thogi nꞌa rä xuñha

nuju̱ ma gä fatsꞌihu̱.

Mä korasohu̱ xä ñhoki

pa dä ꞌñudi rä mhäte.

Ma gä suhu̱ nu mä kuhu̱

ꞌne gä nupä mfenihu̱.

3. Xa mähyoni gä o̱tehu̱

nuꞌu̱ di gu̱nkägihu̱.

Gatꞌho näꞌä akägihu̱

nzäntho ma gä pe̱fihu̱.

Mu̱ gä yꞌohu̱ ngu ri ꞌñehe

ma gä häñhu̱ yä jäpi.

Nuꞌu̱ toꞌo yꞌo mänjuäntho

rä Zi Dada di mädi.