Rä espiritu santo geꞌä nꞌa rä regalo rꞌakägihu̱ Jeoba

1. Mä Dadaꞌihe gi ꞌmu̱i mähetsꞌi

nuꞌi gi pätkä mä mfenihe.

Di ne gi rꞌakägihe rä tsaya.

Po rä mäte hubgä mä mu̱ihe.

2. Koꞌmu̱ di ñꞌouihe rä pekado

ndunthi yä mꞌiki di mfeꞌtsehe.

Po rängeꞌä xa di bänteꞌihe:

«Gu̱nkägihe ko ri mäkä tsꞌe̱di».

3. Nuꞌmu̱ di thogihe nꞌa rä xuñha

di xiꞌähe te di sentihe.

ꞌNe nuꞌi nguntꞌä gi faxkägihe

ko ri espiritu santo, Jeoba.