RÄ JÄHÑÄ 55
¡Ogi tsuhu̱!
1. Ogi tsaya mhäkä hnini
sigi gi predikahu̱
yä noya de mä Tsꞌu̱tꞌhui
ha yä nguu ꞌne ha yä ꞌñuu.
Xipäbihu̱ ge rä Kristo
ma dä gotꞌi rä Zithu
ꞌne ya hindä za dä hyatꞌi
yä jäꞌi ko rä ntsꞌomꞌu̱i.
(CORO)
Ogi tsuhu̱, mhäkä hnini;
beni nzäntho mä Noya:
«Nuga ma gä suꞌäꞌihu̱
ja ngu di suse̱ mä da».
2. Ma dä gu̱tsꞌähu̱ yä nkꞌuamba
nuꞌu̱ di u̱tsaꞌihu̱;
asta ma dä zañꞌähu̱
pa gi tsogihu̱ mä ꞌñuu.
Mhäkä hnini, ogi tsuhu̱
pe̱ꞌtsi te gi ze̱tihu̱;
gatꞌho nuꞌu̱ ma dä ꞌme̱di,
mänꞌitꞌho ma gi hyanthu̱.
(CORO)
Ogi tsuhu̱, mhäkä hnini;
beni nzäntho mä Noya:
«Nuga ma gä suꞌäꞌihu̱
ja ngu di suse̱ mä da».
3. Nunka ma gä pumfriꞌihu̱
ogi pe̱ꞌtsihu̱ rä ntsu,
di ꞌmu̱i kongeꞌähu̱
pa dä za gä ñäñꞌähu̱.
Mhäkä hnini, oxki tsuhu̱
to dä za dä hyoꞌähu̱
ngeꞌä nꞌa rä te pa nzäntho
nguntꞌä ma gä rꞌaꞌähu̱.
(CORO)
Ogi tsuhu̱, mhäkä hnini;
beni nzäntho mä Noya:
«Nuga ma gä suꞌäꞌihu̱
ja ngu di suse̱ mä da».
(Hyandi ꞌnehe Deut. 32:10; Neh. 4:14; Sal. 59:1; 83:2, 3.)