Rä Mäkä Ntꞌoxi

1. Jeoba gi mꞌu̱i ha mähetsꞌi

gehnä nꞌa rä mäkä xui.

Ha Egipto gä udi ri dängä mhäte,

ri ñhojäꞌi ꞌne ri tsꞌe̱di.

Bri fani rä ji nꞌa zi de̱ti

pa gä ñäni nu ri ꞌme̱go.

Ndunthi yä je̱ya mꞌe̱fa rä Kristo bi du

pa bi ñängägihe mä tehe.

2. Nunä rä thuhme ꞌne rä binu

di benje ge Kristo bi du.

Nuꞌi gä pe̱hniua

ꞌne bi uni rä te

pa bi pungä mä tsꞌokihe.

Xa ndunthi gä jutꞌi po gekhe.

Jeoba, xa di jamädihe.

Nuꞌi gä mäkägihe

gä ñängägihe

ꞌne pa nzäntho ma gä mꞌu̱ihe.

3. Zi Dada, ko ndunthi rä johya

xtä ntinihe nunä xui

pa gä jamädihe ge gä

pe̱nkägihe ri Tꞌu̱

näꞌä xa gi mädi.

Näꞌä gä pe̱fi po rängekhe

ya hingä ma gä pumfrihe.

Rä ejemplo rä Hesu ma gä te̱nihe

ꞌne njabu̱ gä jamädiꞌihe.