RÄ LECCIÓN 53
Huahni nuꞌu̱ yä dibersio hingi ofende rä Zi Dada Jeoba
Jeoba näꞌä nꞌa «rä Zi Dada de gä johya» (1 Timoteo 1:11, TNM). Hänge näꞌä ne gä ꞌmu̱ihu̱ ko rä johya ꞌne gä disfrutahu̱ de rä bida. Rä Zi Dada Jeoba di ho dä hyandi ora di ꞌuekehu̱ rä tiempo pa gä tsayahu̱ nꞌa tu̱i. Ha nunä lección ma gä handihu̱ hanja dä za gä ꞌuekehu̱ rä tiempo pa gä dibertihu̱ nꞌa tu̱i ꞌne gä disfrutahu̱ de rä bida nsinke gä ofendehu̱ rä Zi Dada Jeoba.
1. ¿Te hindi debe gä pumfrihu̱ ora di huahnihu̱ nꞌa rä dibersio?
Xi nuꞌi, ¿te gi ho gi pe̱fi ora gi ꞌueke rä tiempo pa gi ntsaya? Rꞌaa di ho dä gohi ha yä nguu pa dä ntsaya ꞌne dä hñeti nꞌa rä mfistꞌofo, dä yꞌo̱de rä música, dä hyandi nꞌa rä pelikula o te dä hyandi ha Internet. Märꞌaa xa di ho dä bo̱ni ko yä amigo pa dä ma dä ñꞌo nꞌa tu̱i, pa dä nku̱nthe o pa dä ñꞌeni. Nuju̱ dä za gä huahnihu̱ konte di ne gä dibertihu̱, pe mähyoni gä handihu̱ xä ñho ge näꞌä dibersio di huahnihu̱, hindä ofende rä Zi Dada Jeoba (Efesios 5:10, TNM). Ngeꞌä ndunthi de nuꞌu̱ yä dibersio ja mäpaya, di ñꞌoui yä tuhni, yä tsꞌu̱di jäꞌi, yä ntꞌete, yä mäjia ꞌne märꞌa yä kosa nuꞌu̱ xa di u̱tsa rä Zi Dada Jeoba (hñeti Salmo 11:5). Hänge, ¿te ma dä maxꞌäꞌi gi huahni xä ñho konte gi diberti?
Mähyoni gä benihu̱ ge mu̱ di huahnihu̱ ngu mä amigohu̱ nuꞌu̱ yä jäꞌi pe̱päbi rä Zi Dada Jeoba, nuꞌu̱ ma dä maxkägihu̱ gä pe̱fihu̱ näꞌä xä ñho, ꞌne asta ma dä maxkägihu̱ gä huahnihu̱ nuꞌu̱ yä dibersio xä ntꞌaxi. Ja ngu dä pädihu̱ ha rä lección 48, «toꞌo di ñꞌoui nuꞌu̱ yä jäꞌi ja yä mfädi, ma dä nja yä mfädi ꞌnehe». Pe toꞌo honi dä ntsixkui nuꞌu̱ hingä yä hogä amigo ꞌne nuꞌu̱ hingi mädibi yä mhända rä Zi Dada Jeoba «hingä ma dä mabi xä ñho» (Proverbios 13:20).
2. ¿Por hanja xa mähyoni gi pädi gi mide näꞌä rä tiempo gi usa pa gi diberti?
Mäske nuꞌu̱ yä dibersio di huahnihu̱ xä ntꞌaxi ꞌne hindi ofende rä Zi Dada Jeoba, mähyoni gä jamäsuhu̱ hängu rä tiempo di dedikabihu̱, pa njabu̱ hingo dä hñägägihu̱ näꞌä rä tiempo di debe gä dedikabihu̱ nuꞌu̱ yä kosa xa mähyoni. Rä Biblia engägihu̱ ge di debe gä suhu̱ hanja di ꞌmu̱ihu̱ ꞌne gä usahu̱ xä ñho mä tiempohu̱ (hñeti Efesios 5:15, 16, TNM).
HANJA DÄ ZA DÄ MAXꞌÄꞌI RÄ NOYA ÄJUÄ
Ma gä pädihu̱ te dä za gä pe̱fihu̱ pa gä huahnihu̱ xä ñho konte di dibertihu̱.
3. Ma gä ꞌuegehu̱ de nuꞌu̱ yä dibersio di tsꞌoni mä mfenihu̱
¿Por hanja xa mähyoni gä huahnihu̱ xä ñho konte di dibertihu̱? Yꞌe̱ntsꞌihu̱ rä BIDEO, ꞌnepu̱ thädihu̱ nuya yä ntꞌani:
¿Hanja ri hñätsꞌi nuꞌu̱ yä dibersio ja mäpaya ko nuꞌu̱ yä dibersio mi tꞌo̱tꞌe mäyaꞌmu̱ ha rä hnini Roma?
¿Hanja bi matsꞌi Danny nuꞌu̱ yä konseho bi tꞌumbäbi de hanja ri ꞌñehe gä huahnihu̱ yä dibersio?
Hñetihu̱ Romanos 12:9, TNM, ꞌnepu̱ thädihu̱ nunä rä ntꞌani:
¿Hanja dä za dä maxꞌäꞌi nunä testo ora gi huahni nꞌa rä dibersio?
¿Ndaꞌu̱ nuꞌu̱ yä kosa xa di u̱tsa rä Zi Dada Jeoba? Hñetihu̱ Proverbios 6:16, 17 ꞌne Gálatas 5:19-21, TNM. Mꞌe̱fa de gi hñetihu̱ kada nꞌa de nuya yä testo, thädihu̱ nunä rä ntꞌani:
De nuya yä kosa no̱ni ha nuya yä testo, ¿ndaꞌu̱ xkä handi ge di ñꞌoui ha nuꞌu̱ yä dibersio ja mäpaya?
Hanja dä za gi huahni xä ñho nꞌa rä dibersio
Thädi nuya yä ntꞌani:
¿Te ma gä pe̱fi o te ma gä handi? ¿Di ñꞌoui nꞌa rä kosa näꞌä di u̱tsa rä Zi Dada Jeoba?
¿Hämꞌu̱ ꞌne te mä ora? ¿Ma dä hñägägi de gä pe̱fi nuꞌu̱ yä kosa mänꞌa xa mähyoni?
¿Kontoꞌo? ¿Ma dä mꞌu̱hni nuꞌu̱ yä jäꞌi hingi mädi rä Zi Dada Jeoba?
Pa gä su mä bidahu̱, mähyoni gä ꞌuegehu̱ yabu̱ de nꞌa rä peligro. Njabu̱ ꞌnehe, mähyoni gä rechazahu̱ ꞌne gä ꞌuegehu̱ de nuꞌu̱ yä dibersio di tsꞌoni mä mfenihu̱.
4. Usa xä ñho ri tiempo
Yꞌe̱ntsꞌihu̱ rä BIDEO, ꞌnepu̱ thädihu̱ nunä rä ntꞌani:
Ja ngu dä handihu̱ ha rä bideo, mäske näꞌä rä ku himi handi o himi pe̱fi nꞌa rä kosa xä ntsꞌo, ¿hanja mi usa rä tiempo ꞌne hanja mi afektabi?
Hñetihu̱ Filipenses 1:10, TNM, ꞌnepu̱ thädihu̱ nunä rä ntꞌani:
¿Hanja dä za dä maxkägihu̱ nunä testo pa gä pädi gä midehu̱ xä ñho näꞌä rä tiempo di usahu̱ pa gä dibertihu̱?
5. Huahni nuꞌu̱ yä dibersio xä ntꞌaxi
Ja rꞌa yä dibersio nuꞌu̱ di u̱tsa rä Zi Dada Jeoba ngeꞌä di ñꞌoui yä kosa xä ntsꞌo. Pe ja ndunthi yä kosa nuꞌu̱ dä za gä pe̱fihu̱ pa gä dibertihu̱ nsinke gä ofendehu̱ rä Zi Dada Jeoba. Hñetihu̱ Eclesiastés 8:15 ꞌne Filipenses 4:8, ꞌnepu̱ thädihu̱ nunä rä ntꞌani:
Xi nuꞌi, ¿te gi ho gi pe̱fi pa gi diberti?
Ja ndunthi yä dibersio nuꞌu̱ xä ntꞌaxi
RꞌA YÄ JÄꞌI ENÄ: «Mäjuäni ge ja yä pelikula, yä bideo o yä thuhu habu̱ mää o di nheki yä kosa xä ntsꞌo, pe di enga ge hindi perjudikagihu̱ mu̱ ho̱nse̱ di handihu̱ o di o̱dehu̱».
Xiꞌmu̱ toꞌo dä xiꞌi njabu̱, ¿te ma gi xipäbi?
NÄꞌÄ DÄ PÄDIHU̱
Rä Zi Dada Jeoba ne gä dibertihu̱ ko nuꞌu̱ yä kosa xä ntꞌaxi.
Pa gä benihu̱
¿Te mä dibersio debe dä rechaza nuꞌu̱ yä amigo rä Zi Dada Jeoba?
¿Por hanja xa mähyoni gä jamäsuhu̱ hängu rä tiempo di usahu̱ pa gä dibertihu̱?
Xi nuꞌi, ¿por hanja gi ne gi huahni nuꞌu̱ yä dibersio xä ntꞌaxi?
HABU̱ DÄ ZA GI PÄDI MÄ NꞌA TU̱I
Hyandi toꞌo pe̱ꞌtsi rä responsabilida de dä desidi konte gä dibertihu̱.
Hyandi hanja dä za gi huahni xä ñho konte gi diberti.
«¿Faxꞌäꞌi o di perjudikaꞌi nuꞌu̱ yä dibersio gi huahni?» (La Atalaya, 15 de octubre de 2011)
Ha rä esperiensia «Dä he̱gi de gä u̱tsa nuꞌu̱ yä jäꞌi de märꞌa yä rasa», hyandi por hanja nꞌa rä zi ñꞌo̱ho̱ bi hye̱pu̱ nuꞌu̱ yä dibersio xa mi ho.
«Rä Mäkä Tꞌofo bi patuäbi yä mꞌu̱i» (La Atalaya, 1 de febrero de 2010)
Hyandi te bi desidi dä me̱fi nꞌa rä ꞌme̱hñä ora ya ma xä mu̱di xä hyandi nꞌa rä pelikula nuꞌu̱ ñä de yä tsꞌondähi.