Nꞌa rä esperiensia

Ma gä udihu̱ rä nhuekäte ko gatꞌho yä jäꞌi

Nꞌa rä zi nju rä mengu de rä dähni Nueva Zelanda, pede ge nꞌa rä pa bi hyandi rä bideo Preocupémonos unos por otros. Rä nju bi hyandi ha nunä bideo ge rä Zi Dada Jeoba hingä ho̱nse̱ di senti rä nhuekäte, sino ke honi hanja dä matsꞌi yä jäꞌi (Is. 63:​7-9). Hänge nuni zi nju bi mbeni dä ꞌñudi rä nhuekäte ꞌnehe ja ngu pe̱fi rä Zi Dada Jeoba. Mismo näꞌä paꞌä, nunä zi nju bi ma ntai ꞌne ha rä calle bi hyandi nꞌa rä ꞌme̱hñä näꞌä mi otho habu̱ dä mꞌu̱i. Hänge näꞌä zi nju bi hueki ꞌne bi dambäbi te dä zi. Näꞌä ꞌme̱hñä bi resibi näꞌä rä ñhuni ko ndunthi rä johya ꞌne näꞌä zi nju bi probecha pa bi predikabi ko rä tratado ¿Ma dä zo̱ho̱ rä pa dä uadi yä sufrimiento?

Oraꞌä näꞌä zi ꞌme̱hñä bi nzoni ꞌne bi ꞌñembäbi näꞌä rä nju: «Nuꞌmu̱ ndrä bäsjäꞌi mä dada ꞌne mä nänä bi ꞌñutkägi de rä Zi Dada Jeoba pe nuga dä desidi hingä pe̱päbi. Pe nuya yä pa xä thogi xtä xatuäbi rä Zi Dada Jeoba ꞌne xkä apäbi ge dä maxkägi pa gä pengi ha rä ꞌñuu». Hänge rä zi nju bi umbäbi nꞌa rä Biblia ꞌne näꞌä zi ꞌme̱hñä bi asepta nꞌa rä ntꞌudi de rä Mäkä Tꞌofo.a

Nuju̱ ꞌnehe dä za gä de̱mbäbihu̱ rä mꞌu̱i rä Zi Dada Jeoba ꞌne gä udihu̱ rä nhuekäte po märꞌa yä jäꞌi, po mä familiahu̱ ꞌne po yä ku de rä mhuntsꞌi. ꞌNehe dä za gä udihu̱ ndunthi rä nhuekäte ora di honihu̱ yä oportunida pa gä predikabihu̱ yä zi jäꞌi.