NXA̱DI 48
Dä mi huanhni xi nho nuʼu̱ toʼo gi ʼyo̱tni amigo
Nuʼu̱ yu̱ hogä amigo o̱ʼte ge manʼna gä njohyahu̱. Nuʼbu̱ di thohmu̱ yu̱ hëi geʼu̱ di ze̱kju̱ʼu̱ ʼne hürkä ma mu̱ihu̱. Pe̱ ja gä mfa̱hmu̱ geʼtho nuʼä Biblia ëna ge hingä ga̱ʼthoʼu̱ yu̱ jäʼi yu̱ hogä amigo. ¿ʼBe̱ʼä dä ze̱kju̱ gä huanhnu̱ xi nho nuʼu̱ toʼo dä za̱ gä o̱thu̱ ma amigohu̱? Gä nuhu̱ ʼra yu̱ nʼta̱nni.
1. ¿ʼBe̱pu̱ di pa̱ʼtä ni nʼto̱ʼte nuʼu̱ ni amigo?
Nuʼu̱ yu̱ jäʼi ge di zänhmu̱ nzäntho o̱ʼte ge gä pa̱hmu̱ ma nʼto̱ʼtehu̱, di ze̱kju̱ gä o̱thu̱ʼä xi nho o gä o̱thuʼä xi nʼtso. ʼNe ngübu̱ thogi xindä geʼbu̱ ʼrarbu̱ di ʼbu̱hmu̱ʼu̱ o gepu̱ ja internet ge di ñahu̱. Nuʼä Biblia ëna: “Nuʼu̱ toʼo zänhmu̱ʼu̱ yu̱ jäʼi ge ja yu̱ mfädi kextä di nja yu̱ mfädiʼu̱, pe̱ nuʼu̱ toʼo zänhmu̱ʼu̱ hindi nʼyomfëni dä nu yu̱ hëi.” (Proverbios 13:20). Nuʼu̱ ni amigo ge kextä te̱nna Jeoba dä ze̱ʼi ge njämʼbu̱ gi soʼä Ojä ʼne kextä dä ze̱ʼi gi huanhni xi nho ʼbe̱ʼä gi ʼyo̱ʼte. Pe̱ nuʼbu̱ gi nsixuiʼu̱ yu̱ jäʼi ge hingi ʼyobu̱ mpe̱ti dä ʼyo̱ʼte ge gi soʼä Jeoba. Janangeʼä, nuʼä Biblia xikju̱ ge ja gä huanhnu̱ xi nho toʼoʼu̱ gä nsixu̱. Nuʼbu̱ nuʼu̱ ma amigohu̱ kextä te̱nna Jeoba ga̱ʼtho di johyahu̱, geʼtho sa̱ gä te̱nhnu̱ nuna ra nʼtsofo jaua: “Janangeʼä dä mi nhyürpä ni mu̱ihu̱ ʼne gä mfa̱xu̱ ʼna ngü ʼnaʼähu̱ tengütho gi o̱thu̱ya” (1 Tesalonicenses 5:11).
2. ¿Xiʼä Jeoba ha u̱rpä gue̱nda toʼoʼu̱ gi huanhni gi ʼyo̱tni amigo?
Nuʼä Jeoba huanhni xi nho toʼoʼu̱ o̱tna amigo. Nubu̱ Biblia ëna ge “di nsixui xi nho nuʼu̱ o̱ʼte xi nho” (Proverbios 3:32). ¿ʼBe̱ʼä gi mbëni ge dä za̱ʼä Jeoba nuʼbu̱ gä o̱thu̱ ma amigohu̱ toʼo hingi thänne? ¡Emme xtä nʼu̱ dä bëni! (Dä mi nu Santiago 4:4). Pe̱ nuʼbu̱ hingä nsixu̱ʼu̱ yu̱ ʼtso jäʼi ʼne ho̱nse̱ gä nsixuʼu̱ toʼo di thänneʼä Jeoba, nuʼä Jeoba emme di njohya ʼne kextä gä o̱thu̱ ma amigohu̱ (Salmo 15:1-4).
GÄ PÄHMU̱ MANʼNA NANGEHNA
Gä pähmu̱ hanja emme jaʼtse̱di gä huanhnu̱ xi nho toʼoʼu̱ ma amigohu̱ ʼne kextä gi pädi ʼbe̱ʼä dä za̱ gi ʼyo̱ʼte pa gi ʼyo̱tni amigo nuʼu̱ toʼo majuäni dä ze̱ʼi gi njohyabu̱ ni mʼbu̱i.
3. Hingi nsixuiʼu̱ o̱ʼtä xi nʼtso
Nuʼu̱ yu̱ jäʼi o̱ʼtä xi nʼtso hingi ëspä yu̱ nʼtëdiʼä Ojä o nuʼu̱ yu̱ nʼtsofo di ʼrakju̱. Dä mi nuui ä BIDEO ʼne manhmi nangehna:
¿ʼBe̱ʼä dä za̱ dä ʼyo̱ʼte ge gä nsixu̱ʼu̱ yu̱ jäʼi ge hingi ëspä Ojä?
Dä mi nuui 1 Corintios 15:33 ʼne manhmi nangehna:
¿Toʼoʼu̱ dä za̱tho hingä hogä amigo pa nangeʼi? ¿Hanja?
Dä mi nuui Salmo 119:63 ʼne manhmi nangehna:
¿ʼBe̱pu̱ ngü na nja ʼna ra hogä amigo?
ʼNa ra nda̱ʼta̱ ge xi ʼya dä za̱ dä japi ge dä ʼyaʼu̱ miʼra ge ʼrarbu̱ ku̱ui. Xiʼu̱ yu̱ jäʼi o̱ʼtä xi nʼtso, ¿ʼbe̱pu̱ dä za̱ dä pa̱ʼtä ni nʼto̱ʼte?
4. Dä za̱ gä o̱thu̱ ma amigohu̱ nuʼu̱ yu̱ jäʼi ge di hye̱ʼtsi ma je̱yahu̱ o hapu̱ di mengühu̱
Nuʼä Biblia ma nangeʼu̱ yoho yu̱ nʼyohu̱ ge bi mʼbu̱hma yaʼbu̱ nubu̱ hnini Israel, nuʼä David ʼne Jonatán. Nuʼu̱, mi hye̱ʼtsi na je̱ya ʼne nuʼä na ʼbe̱fi mi o̱ʼte, pe̱ emme mi nsixmanhoʼu̱, mi hogä amigoʼu̱. Dä mi nuui 1 Samuel 18:1 ʼne manhmi nangehna:
¿Hanja hinmahyoni ge ga̱ʼtho nuʼu̱ ma amigohu̱ ʼraingü je̱ya gä pe̱su̱?
Dä mi nuui Romanos 1:11, 12 ʼne manhmi nangehna:
¿ʼBe̱pu̱ di nhyürpä na mu̱i ʼna ngü ʼnaʼu̱ yu̱ amigo ge thänne Jeoba?
ʼNa ʼtsu̱nʼtu̱ bi ʼyo̱tyu̱ amigo nuʼu̱ mi mbëni ge njämʼbu̱ di nsixui. Dä mi nuui BIDEO ʼne manhmi nangehna:
¿Hanja mi tü yu̱ mu̱iʼu̱ yu̱ taʼä Akil ge nangeʼu̱ yu̱ amigo ge mi nsixuibu̱ ja xa̱di?
¿Hanja nuʼä Akil mi ho di nsixui nuʼu̱ ʼrarbu̱ mi pa̱ha̱ xa̱di?
¿ʼBe̱ʼä bi ʼyo̱ʼtä Akil pa di mʼbu̱hyu̱ amigo?
5. ʼBe̱ʼä ja gä o̱thu̱ pa di mʼbu̱hma hogä amigohu̱
Dä mi pädi ʼbe̱pu̱ dä za̱ gi tinhyu̱ hogä amigo ʼne ʼbe̱ʼä dä za̱ gi ʼyo̱ʼte pa ge nuʼi kextä gi nhogä amigo. Dä mi nuui ä BIDEO.
Dä mi nuui Proverbios 18:24 ʼne 27:17, ʼne manhmi nangehna:
¿ʼBe̱pu̱ di mfa̱ʼtsi ʼna ngü ʼnaʼu̱ yu̱ hogä amigo?
¿Xiʼu̱ ni amigo ha nja tengü mambu̱ Proverbios? Geʼbu̱ hinna, ¿ʼbe̱ʼä dä za̱ gi ʼyo̱ʼte pa di mʼbu̱hni hogä amigo?
Dä mi nuui Filipenses 2:4 ʼne manhmi nangehna:
Pa di mʼbu̱hni hogä amigo mu̱ditho ja gi nhogä amigo. Pa dä thogi ngübu̱ ¿ʼbe̱ʼä ja gi ʼyo̱ʼte?
Pa di mʼbu̱hni hogä amigo, mu̱dithoho ja gi nhogä amigo.
NUʼÄ ʼBE̱ʼÄ MANʼU̱ ʼRA YU̱ JÄʼI: “Ho̱nʼtä go toʼo ma jäʼi dä za̱ gä o̱tma amigo”.
¿Nuʼi ʼbe̱ʼä gi mbëni?
NUʼÄ MANʼNA JAʼTSE̱DI
Nuʼbu̱ di huanhnu̱ xi nhoʼu̱ ma amigohu̱, manʼna di ʼbu̱manhohu̱ ʼne di japfu̱ di njohya na mu̱iʼä Jeoba.
Nuʼä dä pähmu̱
¿Hanja nuʼä Jeoba ne ge gä huanhnu̱ xi nho toʼoʼu̱ gä o̱thu̱ ma amigohu̱?
¿Toʼoʼu̱ hingi ja gä nsixu̱?
¿ʼBe̱ʼä dä za̱ gi ʼyo̱ʼte pa di mʼbu̱hni hogä amigo?
DÄ MI PÄDI MANʼNA
Dä mi pädi ʼbe̱pu̱ dä za̱ di ze̱kju̱ nuʼu̱ yu̱ hogä amigo nuʼbu̱ di thohmu̱ yu̱ hëi.
“Gä honhmu̱ yu̱ hogä amigo ante dä guadi yu̱ nze̱gi yu̱ pa” (La Atalaya, nobiembre ge 2019)
Dä mi nxa̱ʼu̱ ʼra yu̱ ʼtsofo ge dä ze̱ʼi di mʼbu̱hni hogä amigo.
¿Hanja hingi ja gi nsixui ga̱ʼthoʼu̱ yu̱ amigo gi timbu̱ ja internet?
Dä mi pädi nangeʼä ʼna nʼyohu̱ ge bi ʼyëna “Emme mi ne ge di mʼbu̱ʼä ʼna ma ta” ʼne hanja bi pa̱di toʼoʼu̱ mi nsixui.
“Nuʼä Biblia bi ze̱di pa di pa̱hyu̱ mʼbu̱iʼu̱” (La Atalaya, 1 abril ge 2012)