XE̱KI 4

¿ʼBe̱ʼä bi ja Adán ʼne Eva nuʼbu̱ mi ʼyo̱de ä Zithü?

Adán ʼne Eva bi düʼu̱ geʼtho himbi ʼyo̱de ä Ojä (Génesis 3:6, 23)

Eva za nuʼä nda̱ʼta̱ ge xi ʼtëmbi hinda za ʼne ʼme̱fa ünnä Adán

Eva bi ʼyo̱de ra pozu̱ ʼne bi za ra fruta ge xi ʼtëmbi ge hindä za. ʼMe̱fa bi ünnä Adán ʼne kexʼtä bi za.

Adán ʼne Eva po̱mbu̱ nhuädo̱n hapu̱ mi ʼbu̱i

Nuä bi ʼyo̱ʼtu̱ hingi ho; geʼä ʼna ʼtsoki. Hange Ojä bi hyo̱nʼä thi ʼbu̱ ra nhuädo̱ni.

Njabu̱ Adán, Eva ʼne yá ʼtu̱hni bi nu ʼna mʼbu̱i xa nhëi. ʼMe̱fa bi ndäʼkëi ʼne bi düʼu̱. Nuʼbu̱ mi düʼu̱ himbi ba mahëʼtsi ʼne nhapu̱ manʼna, ho̱ntho bi guadi ra te.

Nuʼu̱ xa ndü kohi nfontha̱i ʼne hingi tsa̱ ʼbe̱ da ʼyo̱ʼte (Génesis 3:19)

Yu̱ jäʼi ge ʼrahmi ʼnanʼyo yu̱ hnini ʼne di hye̱ʼtsi yu̱ je̱ya bi mʼbu̱i

Di tühu̱ geʼtho na ʼtu̱hnigähu̱ Adán ʼne Eva. Nuʼu̱ xa ndü hingi nu, hingi o̱de ʼne te tsa̱ da ʼyo̱ʼte (Eclesiastés 9:5, 10).

Tü ʼna hmüte ʼne na familia zoni nangeʼä

Jeoba hinmi ne ge da dü ya jäʼi. Mi ʼtsu̱tho da xoxu̱ xa ndü. Geʼbu̱ da ʼyo̱deʼu̱ ä Ojä di mʼbu̱i pa mazäi.